ءال-جازيرا تەلەارناسىنىڭ كاتارلىق جۋرناليستەرى رەسەيدىڭ ۋكرايناعا قارسى سوعىسى تۋرالى حابار جاريالادى. وندا قايتىس بولعان ورىس ساربازدارى كورسەتىلگەن، دەپ حابارلايدى “ادىرنا” ۇلتتىق پورتالى.
بەينەجازبادا رەسەي اسكەرىنىڭ كيىمىنە ۇقساس كيىنگەن مايىتتەر بار. سونداي-اق، سومكەلەر، رەسەيدە جاسالعان دەنە برونىنىڭ جاپسىرماسى، ناقتى اسكەري بولىمدەرگە تيەسىلى ەكەنىن كورسەتەتىن شەۆروندار جانە قازا تاپقان ساربازداردان قالعان التىن بۇيىمدار كورسەتىلگەن.
سۋرەتتەر ۆيدەودان الىندى
تەلەارنا قازا تاپقان رەسەيلىك ساربازداردىڭ مايىتتەرى سالىنعان كولىك كيەۆ وبلىسىندا تۇسىرىلگەنىن، رەسەي فەدەراتسياسى بۇل ساربازداردىڭ مايىتتەرىن الۋدان باس تارتقانىن اتاپ وتەدى.
ايتا كەتەيىك، سوڭعى رەت رەسەي قورعانىس مينيسترلىگى «ارنايى اسكەري وپەراتسيا كەزىندە 1351 سارباز قازا تاۋىپ، 3825-ءى جارالانعان» دەپ حابارلاعان بولاتىن.
ۋكراينا قارۋلى كۇشتەرىنىڭ باس شتابى 9 مامىردا رەسەي ارمياسىنىڭ جالپى شىعىنى 25 650 ادامدى قۇراعانىن مالىمدەدى.
“ادىرنا” ۇلتتىق پورتالى
