گااگاداعى حالىقارالىق سوت رەسەي ۋكراينداردى گەنوتسيدكە ۇشىراتتى دەگەن ءىسىن كۇزدە قارايدى. بۇل تۋرالى ۋكراينانىڭ حالىقارالىق سوتتاعى اگەنتى، سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى انتون كورىنەۆيچ مالىمدەدى، دەپ حابارلايدى “ادىرنا” ۇلتتىق پورتالى.
«ءبىز 1 شىلدەدە مەموراندۋم جاسادىق. ال رەسەيدە قارسىلىق ءبىلدىرۋ ءۇشىن 3 اي ۋاقىت بار. سودان كەيىن سوت ءىستى ءمانى بويىنشا شەشۋگە كوشۋى مۇمكىن»، - دەدى كورىنەۆيچ.
ايتا كەتەيىك، 1 شىلدەدە ۋكراينا گەنوتسيد كونۆەنتسياسىنىڭ اكتىسى بويىنشا رەسەيمەن حالىقارالىق سوتقا مەموراندۋم بەرگەن بولاتىن.
ەسكە سالايىق، 16 ناۋرىزدا گااگاداعى حالىقارالىق سوت رەسەيگە 2022 جىلدىڭ 24 اقپانىندا ۋكراينادا باستالعان سوعىس قيمىلدارىن توقتاتۋدى بۇيىردى. ونىڭ ماقساتى لۋگانسك پەن دونەتسكتەگى بولجامدى گەنوتسيدتىڭ «الدىن الۋ جانە جازالاۋ» بولدى. ال كرەمل بۇل شەشىمدى ەلەمەيتىنىن ايتتى.
”ادىرنا” ۇلتتىق پورتالى
