نۇر-سۇلتان اكىمدىگى «بارىس-ارەنادا» ونەر جۇلدىزدارىنىڭ قاتىسۋىمەن ۇيىمداستىرىلاتىن كونتسەرتتىڭ بولمايتىنىن مالىمدەدى، دەپ حابارلايدى «ادىرنا» ءتىلشىسى.
«كونتسەرت جوسپارلانعان جوق جانە وتپەيدى. «بارىس ارەنا» عيماراتىنىڭ باسشىلىعى، ونىڭ ىشىندە ەلوردانىڭ MTEXmanagement سپورتتىق-مادەني نىساندارىن باسقاراتىن كومپانيا دا قالا تۇرعىندارىنا كونتسەرتتى وتكىزۋ شىندىققا جاناسپايتىنىن ايتتى. ۇيىمداستىرۋشى مارات ابيەۆ كونتسەرتتى وتكىزۋدەن باس تارتۋ تۋرالى رەسمي حابارلاماعا قاراماستان، تۇرعىنداردى الداپ كونتسەرتكە شاقىرۋدى جالعاستىرىپ جاتىر. وسىلايشا ادامداردى شاتاستىرىپ الەك.قالا تۇرعىندارىن ارانداتۋشىلىققا ەرمەۋگە شاقىرامىز. زاڭسىز ارەكەتتەر ءۇشىن جاۋاپكەرشىلىك قاراستىرىلعان»،– دەلىنگەن حابارلامادا.
«ادىرنا» ۇلتتىق پورتالى
