سەمەيدە ەرتىس وزەنىنە قۇلاپ كەتكەن سىنىپتاسىن قۇتقارىپ العان وقۋشىنىڭ ەرلىگىنە ەل ءتانتى بولدى دەپ حابارلايدى "ادىرنا" ۇلتتىق پورتالى.
بۇل تۋرالى فەيسبۋكتەگى پاراقشاسىندا بلوگەر الەكساندر تسوي جازىپ، ءبولىستى.
سەمەيدەگى چايكا اۋدانىندا ون ءبىر جاسار بالا ابايسىزدىق تانىتىپ، ەرتىسكە قۇلاپ كەتكەن. سۋ ءالى سۋىق، ونىڭ ۇستىنە وقۋشى جاقسى جۇزبەيدى ەكەن. كوپ ۇزاماي ول ەسىن جوعالتىپ، سۋعا باتا باستايدى. سول كەزدە ونى بايقاپ قالعان سىنىپتاسى رۋسلان وماروۆ ءجۇزىپ بارىپ، ونى سۋدان شىعارىپ قانا قويماي، زارداپ شەگۋشىگە العاشقى مەديتسينالىق كومەك كورسەتەدى.
بۇل كەزدە وقيعا كۋاگەرلەرى پوليتسيا مەن جەدەل جاردەم شاقىرعان. ءجاسوسپىرىمدى دارىگەرلەر اۋرۋحاناعا جاتقىزعان.
سىنىپتاسىنىڭ ءومىرىن ساقتاپ قالعان باتىر — №11 مەكتەپتىڭ 7-سىنىپ وقۋشىسى رۋسلان وماروۆ.
الەۋمەتتىك جەلىدە جاس بالانىڭ ەرلىگىنە ەل ءتانتى بولىپ، ريزاشىلىعىن ءبىلدىرىپ جاتىر. قازاقتىڭ باتىر ۇلدارى كوبەيە بەرسىن!
"ادىرنا" ۇلتتىق پورتالى
