الماتى اكىمدىگىنىڭ ەكى قىزمەتكەرىنىڭ ءباا-گە ساپارىنا مەملەكەتتىك بيۋدجەتتەن 51 ميلليون تەڭگە جۇمسالماق، دەپ حابارلايدى "ادىرنا" ۇلتتىق پورتالى.
بۇل تۋرالى t.me/orda_kz تەلەگرامم كانالى جازدى.
الماتى قالاسىنىڭ تۋريزم باسقارماسى 9-12 مامىردا دۋبايدا وتەتىن "ATMDubai 2022" حالىقارالىق تۋريستىك كورمەسىنە اكىمدىك قىزمەتكەرلەرىنىڭ قاتىسۋى ءۇشىن 51,5 ميلليون تەڭگە جۇمساۋدى جوسپارلاپ وتىر. بۇل قارجى قالانىڭ جەرگىلىكتى بيۋدجەتىنەن، ياعني الماتىلىقتاردىڭ ەسەبىنەن بولىنەدى. قازىر جەتكىزۋشىگە 15 ميلليون تەڭگە تولەنگەن.
"حالىقارالىق تۋريستىك كورمەلەرگە قاتىسۋدىڭ نەگىزگى مىندەتى – الماتى قالاسىنىڭ تۋريستىك الەۋەتىن حالىقارالىق دەڭگەيدە ىلگەرىلەتۋ، ەلدەر اراسىنداعى تۋريستىك الماسۋدى ارتتىرۋ، شەتەلدىك ارىپتەستەرمەن بايلانىستى كەڭەيتۋ جانە نىعايتۋ", - دەلىنگەن مەملەكەتتىك ساتىپ الۋ تۋرالى شارتىندا.
"ادىرنا" ۇلتتىق پورتالى.
