Almaty ákimdiginiń eki qyzmetkeriniń BAÁ-ge saparyna memlekettik bıýdjetten 51 mıllıon teńge jumsalmaq, dep habarlaıdy "Adyrna" ulttyq portaly.
Bul týraly t.me/orda_kz telegramm kanaly jazdy.
Almaty qalasynyń týrızm basqarmasy 9-12 mamyrda Dýbaıda ótetin "ATMDubai 2022" halyqaralyq týrıstik kórmesine ákimdik qyzmetkerleriniń qatysýy úshin 51,5 mıllıon teńge jumsaýdy josparlap otyr. Bul qarjy qalanyń jergilikti bıýdjetinen, ıaǵnı almatylyqtardyń esebinen bólinedi. Qazir jetkizýshige 15 mıllıon teńge tólengen.
"Halyqaralyq týrıstik kórmelerge qatysýdyń negizgi mindeti – Almaty qalasynyń týrıstik áleýetin halyqaralyq deńgeıde ilgeriletý, elder arasyndaǵy týrıstik almasýdy arttyrý, sheteldik áriptestermen baılanysty keńeıtý jáne nyǵaıtý", - delingen memlekettik satyp alý týraly shartynda.
"Adyrna" ulttyq portaly.
