الماتى سوتى قاڭتار وقيعاسى كەزىندە جاپپاي تارتىپسىزدىكتەردى ۇيىمداستىردى جانە قاتىستى دەگەن كۇدىكپەن ۇستالعان الماتى قالاسىنىڭ ءماسليحات دەپۋتاتى قايرات قۇدايبەرگەندى قاماۋدا ۇستاۋ تۋرالى بۇلتارتپاۋ شاراسىن وزگەرىسسىز قالدىردى دەپ حابارلايدى "ادىرنا" ۇلتتىق پورتالى.
بۇل تۋرالى الماتى قالالىق سوتىنىڭ ءباسپاسوز قىزمەتى مالىمدەدى. الماتى قالاسىنىڭ ءماسليحات دەپۋتاتى قايرات قۇدايبەرگەننىڭ اپپەلياتسيالىق سوت وتىرىسى ءوتتى. سوت قايرات قۇدايبەرگەننىڭ قاماۋدا ۇستاۋ تۋرالى بۇلتارتپاۋ شاراسىن وزگەرىسسىز قالدىردى.
"بۇگىن الماتى قالالىق سوتىنىڭ قىلمىستىق ىستەر جونىندەگى سوت القاسى قاماۋعا الۋ سانكتسياسىن كۇشىندە قالدىردى، ادۆوكاتتاردىڭ جەكە شاعىمدارى قاناعاتتاندىرىلمادى. بۇعان دەيىن تەرگەۋ سوتى ءىس-ارەكەتتى سارالاۋ تۋرالى شەشىم قابىلدانعانعا دەيىن 30 تاۋلىككە قاماۋعا الۋ تۇرىندەگى بۇلتارتپاۋ شاراسىن قولدانۋعا سانكتسيا بەرگەن بولاتىن", - دەلىنگەن سوتتىڭ حابارلاماسىندا.
"ادىرنا" ۇلتتىق پورتالى.
