الماتىدا 6 جانە 8 جاسار ەكى بالا كانالعا باتىپ كەتتى

3938
Adyrna.kz Telegram

الماتى وبلىسىندا كانال ماڭىندا ويناپ جۇرگەن 6 جانە 8 جاسار ەكى بالا سۋعا باتىپ كەتتى. بۇل تۋرالى وبلىستىق تجد مالىمدەدى، دەپ حابارلايدى «ادىرنا» ءتىلشىسى.

قايعىلى وقيعا 3 مامىر كۇنى قاراساي اۋدانىندا بولعان. جەتكىنشەكتەر ابايسىزدا سۋارۋ كانالىنا قۇلاپ كەتكەن.

«وقيعا ورنىندا ەنى 6 مەتر جانە تەرەڭدىگى 1,5 مەتر بولاتىن سۋارۋ كانالىنان تۋىستارى 2014 جىلعى قىز بالا مەن 2015 جىلعى ۇل بالانىڭ دەنەسىن الىپ شىققان. ولار تۇرعىن ۇيدەن 300 مەتر قاشىقتا ويناپ جۇرگەندە ەرەسەكتەردىڭ قاراۋىنسىز قالىپ، سۋارۋ كانالىنا قۇلاپ، باتىپ كەتكەن»، — دەلىنگەن حابارلامادا.

پىكىرلەر