Almaty oblysynda kanal mańynda oınap júrgen 6 jáne 8 jasar eki bala sýǵa batyp ketti. Bul týraly oblystyq TJD málimdedi, dep habarlaıdy «Adyrna» tilshisi.
Qaıǵyly oqıǵa 3 mamyr kúni Qarasaı aýdanynda bolǵan. Jetkinshekter abaısyzda sýarý kanalyna qulap ketken.
«Oqıǵa ornynda eni 6 metr jáne tereńdigi 1,5 metr bolatyn sýarý kanalynan týystary 2014 jylǵy qyz bala men 2015 jylǵy ul balanyń denesin alyp shyqqan. Olar turǵyn úıden 300 metr qashyqta oınap júrgende eresekterdiń qaraýynsyz qalyp, sýarý kanalyna qulap, batyp ketken», — delingen habarlamada.
