كوكشەتاۋ قالاسى قوقىس استىندا قالدى. ساسىق ءيىس، شىرىگەن قالدىقتار، ۇشىپ جۇرگەن پاكەتتەر. وبلىس ورتالىعىنىڭ اۋلالارىنىڭ كەيپى وسىنداي، دەپ حابارلايدى "ادىرنا" "ەكسپرەسس ك" سايتىنا سىلتەپ.
ۆيدەودا – كوكشەتاۋ قالاسىنىڭ ورتالىعى جانە ورتالىقتاعى نازارباەۆ داڭعىلى بەينەلەنگەن.
«بىرنەشە جىلدان بەرى بۇل جەردەن قوقىس مەزگىل-مەزگىل شىعارىلادى. ءتىپتى ازاماتتاردىڭ كوپتەگەن شاعىمدارىنان كەيىن دە تۇرمىستىق قاتتى قالدىقتاردى شىعارۋ جاعدايى وزگەرگەن جوق. قالانىڭ كەي جەرلەرىندە بۇكىل كۆارتالعا ءبىر قوقىس الاڭى بار. سوندىقتان قالانىڭ باسىم بولىگىنە قىزمەت كورسەتەتىن كوممۋنالدىق ۇيىم بىرقاتار شاعىن اۋدانداردا قوقىس جيناۋدان باس تارتىپ وتىر. جالپى، ول جەردە وسىنداي ماسەلە، بىراق جەرگىلىكتى بيلىك ونى شەشۋگە اسىقپايدى»، - دەدى ۆيدەو اۆتورى.
تەحنيكالىق سپەتسيفيكاتسيادا قوقىس شىعارۋعا جاۋاپتى ۇيىم قالدىقتاردى مامانداندىرىلعان پوليگونعا اپارۋى كەرەك ەكەنىن ەسكەرۋ قاجەت. الايدا ەكى جىل بۇرىن قالاداعى قوقىس پوليگونى سانيتارلىق تالاپتارعا ساي كەلمەگەندىكتەن جابىلعان بولاتىن.
ۆيدەونى مىنا سىلتەمە ارقىلى كورە الاسىز: https://youtube.com/shorts/lGVxBf8hJ60?feature=share
