ديپلوم ساتىپ الىپ، مەكتەپتە ساباق بەرىپ جۇرگەن مۇعالىمدەردىڭ قۋلىعى انىقتالسا، قوماقتى ايىپپۇل سالىنادى، دەپ جازادى "ادىرنا" ۇلتتىق پورتالى.
قازاقپارات ساۋالىنا جاۋاپ بەرگەن قر ءبىلىم جانە عىلىم مينيسترلىگىنىڭ مالىمەتىنشە، ەلىمىزدىڭ قىلمىستىق كودەكسiنىڭ 385-بابىنا سايكەس جالعان قۇجاتتاردى جاساعاندارعا 2000 ايلىق ەسەپتىك كورسەتكiشكە دەيiنگi مولشەردە ايىپپۇل سالىنادى نە سول مولشەردە تۇزەۋ جۇمىستارىنا نەمەسە 600 ساعاتقا دەيىنگى مەرزىمگە قوعامدىق جۇمىستارعا تارتىلادى.
سونىمەن قاتار 2 جىلعا دەيىنگى مەرزىمگە باس بوستاندىعى شەكتەلىپ، نە سول مەرزiمگە باس بوستاندىعىنان ايىرىلۋى دا مۇمكىن. ال جالعان قۇجاتتى پايدالانعاندارعا 160 ايلىق ەسەپتiك كورسەتكiشكە دەيiنگi مولشەردە ايىپپۇل سالىنادى نە سول مولشەردە تۇزەۋ جۇمىستارىنا نەمەسە 160 ساعاتقا دەيiنگi مەرزiمگە قوعامدىق جۇمىستارعا تارتىلادى.
ۆەدومستۆو «وسى ۋاقىتقا دەيىن قانشا مۇعالىمنىڭ جالعان ديپلوممەن ساباق بەرىپ جۇرگەنى انىقتالعانىنا» قاتىستى ساۋالىمىزعا بۇل ماسەلە قۇقىق قورعاۋ ورگاندارىنىڭ قۇزىرىندا ەكەندىگىن اتاپ وتكەن.
"ادىرنا" ۇلتتىق پورتالى
