Dıplom satyp alyp, mektepte sabaq berip júrgen muǵalimderdiń qýlyǵy anyqtalsa, qomaqty aıyppul salynady, dep jazady "Adyrna" ulttyq portaly.
QazAqparat saýalyna jaýap bergen QR Bilim jáne ǵylym mınıstrliginiń málimetinshe, elimizdiń Qylmystyq kodeksiniń 385-babyna sáıkes jalǵan qujattardy jasaǵandarǵa 2000 aılyq eseptik kórsetkishke deıingi mólsherde aıyppul salynady ne sol mólsherde túzeý jumystaryna nemese 600 saǵatqa deıingi merzimge qoǵamdyq jumystarǵa tartylady.
Sonymen qatar 2 jylǵa deıingi merzimge bas bostandyǵy shektelip, ne sol merzimge bas bostandyǵynan aıyrylýy da múmkin. Al jalǵan qujatty paıdalanǵandarǵa 160 aılyq eseptik kórsetkishke deıingi mólsherde aıyppul salynady ne sol mólsherde túzeý jumystaryna nemese 160 saǵatqa deıingi merzimge qoǵamdyq jumystarǵa tartylady.
Vedomstvo «osy ýaqytqa deıin qansha muǵalimniń jalǵan dıplommen sabaq berip júrgeni anyqtalǵanyna» qatysty saýalymyzǵa bul másele quqyq qorǵaý organdarynyń quzyrynda ekendigin atap ótken.
"Adyrna" ulttyq portaly
