وسكەمەندە كولىك جۇرگىزۋشىلەرىنەن پارا المايتىن پوليتسەيلەر ماراپاتتالدى، دەپ حابارلايدى “ادىرنا” ۇلتتىق پورتالى “ايقىن” باسىلىمىنا سىلتەمە جاساپ.
شىعىس قازاقستان وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ حابارلاۋىنشا، ءتارتىپ ساقشىلارىنا پارانى جول ەرەجەسىن بۇزعان جۇرگىزۋشىلەر ۇسىنادى.
«ايىپپۇل تولەگىسى كەلمەيتىن جۇرگىزۋشىلەر ماسەلەنى بەيبىت جولمەن شەشكىسى كەلەدى. ياعني، اقشا ۇسىنادى. ءبىزدىڭ سىبايلاس جەمقورلىققا قارسى قىزمەت وسى ورايدا پارا الۋدان باس تارتقان پوليتسەيلەردى ماراپاتتاۋدى ءجون دەپ ۇيعاردى»، – دەيدى وبلىستىق سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ءبىرىنشى ورىنباسارى تالعات باشەۆ.
ماراپاتتالعاندىڭ ءبىرى – اعا لەيتەنانت ءاليحان بالاپانوۆ. «جول ەرەجەسىن بۇزعان ازامات حاتتاما تولتىرۋ بارىسىندا ماعان پارا رەتىندە بەس مىڭ تەڭگە ۇسىندى. مۇنىڭ زاڭعا قايشى ەكەنىن ەسكەرتكەنىممەن، ول ازامات كونبەدى. اياعى ءتيىستى ورىندارعا حابارلاۋعا تۋرا كەلدى»، – دەيدى ول.
“ادىرنا” ۇلتتىق پورتالى
