بۇگىن «انا ءتىلىن دامىتۋعا قوسقان ۇلەسى ءۇشىن» توسبەلگىسىمەن ءتىل جاناشىرلارى ماراپاتتالدى، دەپ حابارلايدى “ادىرنا” ۇلتتىق پورتالى Baq.kz سايتىنا سىلتەمە جاساپ.
ماراپاتتالعاندار قاتارىندا ءتىل مامانى ۆلاديسلاۆ تەن دە بار.
«توسبەلگىنى العاشقىلاردىڭ ءبىرى بولىپ العانىما قۋانىشتىمىن. مەن ءوز جۇمىسىمدى ىستەپ ءجۇرمىن. وسى جۇمىسىم مەملەكەتكە، ءبىلىم مينيسترلىگىنە ۇناعان بولار. سول سەبەپتى مەنى دە وسى جيىنعا شاقىردى»، – دەدى تەن.
ول قازاق ءتىلىنىڭ بولاشاعى زور بولاتىنىنا سەنىم ءبىلدىردى.
«قازق ءتىلىن دامىتۋعا ءوز ۇلەسىمدى قوسىپ ءجۇرمىن. ءتىل ورتالىعىمىزدا بىرنەشە ءتىل ۇيرەتەمىز. ونىڭ ىشىندە قازاق ءتىلى دە بار. قازاق تىلىنە سۇرانىس وتە جوعارى. سول سەبەپتى ءدال قازىر قازاق ءتىلىن وقىتۋمەن اينالىسىپ ءجۇرمىز»، – دەدى ءتىل مامانى.
«قازاق ءتىلىن ۇيرەنۋشىلەر كوپ كەلەدى. باسىندا باسىم باعىتىمىز اعىلشىن ءتىلى بولعان. ەندى قازىر قازاق تىلىنە سۇرانىس ارتىپ جاتىر»، – دەپ ءتۇسىندىردى ۆلاديسلاۆ تەن.
“ادىرنا” ۇلتتىق پورتالى
