Almaty qalasy máslıhatynyń depýtaty Qaırat Qudaıbergen Qazaqstan halqyna úndeý jasady. Jelide qańtardaǵy tártipsizdikti uıymdastyrdy degen kúdikke ilingen Qudaıbergen Arman Jumageldıevpen baılanysyn joqqa shyǵaratyn hat taratýda.
«Aıyptaýlardyń eshqaısysy tipti 1% shyndyqqa sáıkes kelmeıdi. Men eshqashan krımınal avtorıtet Arman Jumageldıevpen eshqandaı baılanysym joq. Men ony alǵash halyqty tatýlyqqa shaqyrýǵa kelgen alańda kórdim», – dep jazady Qudaıbergen.
Orda.kz saıtynyń saýalyna Qaırat Qudaıbergen de Armanmen tanys emes ekenin, biraq onymen alańda kezdesip, jurtty jubatý úshin ózi kelgenin aıtty. Ekeýi de sol jerde beınekameralarǵa túsip qalǵan. Máslıhat depýtaty endi Jabaıy Armanmen aralaspaıtynyn aıtty.
Aıta keteıik, sáýirdiń 22-si kúni tańerteń Qudaıbergen aǵymdaǵy jyldyń qańtaryndaǵy jappaı tártipsizdikti uıymdastyrdy jáne oǵan qatysty degen kúdikpen ýaqytsha ustaý ızolıatoryna qamaldy. Prokýratýranyń málimetinshe, Qudaıbergen Jumageldıevpen (Jabaıy Arman) birge adamdardy «Qazaqstan» qonaqúıine jınaǵan. Onda Jumageldıevtiń tóńiregine toptasyp, ony qoldaýǵa, bılikke ortaq talaptar qoıýǵa shaqyrǵan.
“Adyrna” ulttyq portaly
