اقوردا رەزيدەنتسياسىندا مەملەكەت باسشىسى قاسىم-جومارت توقاەۆتىڭ توراعالىعىمەن كونستيتۋتسياعا وزگەرىستەر مەن تولىقتىرۋلار ەنگىزۋگە ارنالعان كەڭەس ءوتتى. وتىرىستا كونستيتۋتسيالىق كەڭەسكە كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ۇسىناتىنىن مالىمدەدى، دەپ حابارلايدى “ادىرنا” ۇلتتىق پورتالى.
تۇزەتۋلەر نەگىزگى زاڭدا جەر مەن تابيعي رەسۋرستاردىڭ مەنشىك يەسى حالىق ەكەندىگى تۋرالى نورمانى بەكىتەدى. مەملەكەت باسشىسى قوعام مەن مەملەكەت ءۇشىن تۇبەگەيلى ماڭىزى بار جەرگە مەنشىك ماسەلەسىن شەشۋ قاجەتتىلىگىنە جەكە توقتالدى.
“حالىقتىڭ جەر مەن تابيعي رەسۋرستاردىڭ مەنشىك يەسى ەكەندىگى تۋرالى نورمانىڭ كونستيتۋتسيادا تۇپكىلىكتى بەكىتىلۋىنىڭ كەلەشەكتە قانداي دا ءبىر قايشىلىقتاردى جويىپ، ۇلكەن ساياسي ماڭىزى بار وسىعان بايلانىستى نەگىزگى زاڭنىڭ 6-بابىن جاڭا رەداكتسيادا ەنگىزۋ ۇسىنىلادى: «جەر مەن ونىڭ قويناۋى، سۋ، وسىمدىكتەر مەن جانۋارلار دۇنيەسى، باسقا دا تابيعي رەسۋرستار حالىق مەنشىگىندە. حالىق اتىنان مەنشىك قۇقىعىن مەملەكەت جۇزەگە اسىرادى، – دەدى پرەزيدەنت.
ول جۇمىس توبى مۇشەلەرىنە از ۋاقىت ىشىندە اتقارىلعان اۋقىمدى جۇمىستارعا ريزاشىلىعىن ءبىلدىردى.
“ بۇگىن مەن كونستيتۋتسيالىق كەڭەسكە كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ەنگىزەمىن. بۇل ءبىزدىڭ نەگىزگى زاڭىمىزدىڭ تالابى. كونستيتۋتسياعا ەنگىزىلگەن وزگەرىستەر تاۋەلسىز قازاقستان تاريحىندا جاڭا تاراۋ اشاتىنىنا سەنىمدىمىن. بۇل جاڭا قازاقستان قۇرىلىسىنداعى ماڭىزدى كەزەڭ، – دەدى قاسىم-جومارت توقاەۆ.
قازىرگى ۋاقىتتا قازاقستان كونستيتۋتسياسىنىڭ 6-بابىنىڭ 3-تارماعى كەلەسىدەي وزگەرتىلدى:
«جەر جانە ونىڭ قويناۋى، سۋ، وسىمدىكتەر مەن جانۋارلار دۇنيەسى، باسقا دا تابيعي رەسۋرستار مەملەكەت مەنشىگىندە. جەر زاڭدا بەلگىلەنگەن نەگىزدەر، شارتتار مەن شەكتەردە جەكە مەنشىكتە دە بولۋى مۇمكىن».
”ادىرنا” ۇلتتىق پورتالى
