ءبىلىم جانە عىلىم ءمينيسترى اسحات ايماعامبەتوۆ «جەدەل جەلى» باعدارلاماسىندا قوناقتا بولىپ، مۇعالىمدەردى ارتىق قۇجات تولتىرۋعا ماجبۇرلەيتىندەردىڭ جازاعا تارتىلاتىنىن ەسكەرتتى، دەپ حابارلايدى «ادىرنا» ۇلتتىق پورتالى.
«قازىر ءبىلىم وشاقتارىندا ۇستاز مەكتەپتە نەبارى 2 قۇجات تولتىرادى. ولار: ەلەكتروندى جۇيەدە وقۋشىعا باعا قويۋ جانە كۇندەلىكتى ساباق جوسپارىن ازىرلەۋ. ال ەلەكتروندى كۇندەلىكتى قوسىمشا قاعاز بەتىنە باسىپ شىعارۋ – زاڭ بۇزۋشىلىق»، – دەدى مينيستر.
سوڭعى جىلدارى مۇعالىمدەردى ارتىق قۇجات تولتىرۋعا يتەرمەلەگەن 700-دەن استام تۇلعا اكىمشىلىك جاۋاپكەرشىلىككە تارتىلعان.
«ءار مەكتەپتە پەداگوگيكالىق ەتيكا بويىنشا كەڭەستەردى قۇردىق. بۇل – ءبىر. ەگەر ول پەدەتيكا كەڭەسىنە بارعىسى كەلمەسە، وبلىستاردا باقىلاۋ دەپارتامەنتتەرى بار، سولارعا تەلەفون سوعىپ نەمەسە ۆاتساپقا اقپارات بەرۋگە بولادى. بارلىق وسىنداي شاعىمدار بويىنشا ءبىز مىندەتتى تۇردە جاۋاپكەرشىلىككە تارتامىز»، – قر ءبىلىم جانە عىلىم ءمينيسترى اسحات ايماعامبەتوۆ.
”ادىرنا” ۇلتتىق پورتالى
