گۇلميرا ساتىبالدى ۋنيۆەرسيادا-2017 نىساندارىن جوندەۋگە باعىتتالعان قاراجاتتى جىمقىردى دەگەن كۇدىككە ءىلىندى، - دەپ حابارلايدى “ادىرنا” ۇلتتىق پورتالى انتيكور ءباسپاسوز قىزمەتىنە سىلتەمە جاساپ.
"الماتى قالاسى بويىنشا سىبايلاس جەمقورلىققا قارسى قىزمەتى "الماتى قالاسى ەنەرگەتيكا جانە كوممۋنالدىق شارۋاشىلىق باسقارماسى" كمم لاۋازىمدى تۇلعالارى مەن "اريا-جاڭا استانا" جشس كومپانيا باسشىلىعىنا قاتىستى، ونىڭ ىشىندە گۇلميرا ساتىبالدىعا قاتىستى 2019 جىلى "الماتى قالاسىنداعى 2017 جىلعى ۋنيۆەرسيادا" نىساندارى ءۇشىن قۇرىلىس-مونتاج جۇمىستارىن ناقتى ورىندالماعان مىندەتتەر ءۇشىن تولەنگەن اسا ءىرى مولشەردە بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر", - دەلىنگەن حابارلامادا.
وسىعان ۇقساس اسا ءىرى كولەمدەگى بيۋدجەت قاراجاتىن جىمقىرۋ دەرەكتەرى بويىنشا مەملەكەتتىك ورگانداردىڭ لاۋازىمدى تۇلعالارى مەن "اريا-جاڭا استانا" جشس باسشىلىعىنىڭ قاتىسۋىمەن باسقا وڭىرلەردە سوتالدى تەرگەپ-تەكسەرۋلەر ءجۇرىپ جاتىر.
