Gúlmıra Satybaldy Ýnıversıada-2017 nysandaryn jóndeýge baǵyttalǵan qarajatty jymqyrdy degen kúdikke ilindi, - dep habarlaıdy “Adyrna” ulttyq portaly Antıkor baspasóz qyzmetine silteme jasap.
"Almaty qalasy boıynsha Sybaılas jemqorlyqqa qarsy qyzmeti "Almaty qalasy Energetıka jáne kommýnaldyq sharýashylyq basqarmasy" KMM laýazymdy tulǵalary men "Arııa-Jańa Astana" JShS kompanııa basshylyǵyna qatysty, onyń ishinde Gúlmıra Satybaldyǵa qatysty 2019 jyly "Almaty qalasyndaǵy 2017 jylǵy Ýnıversıada" nysandary úshin qurylys-montaj jumystaryn naqty oryndalmaǵan mindetter úshin tólengen asa iri mólsherde bıýdjet qarajatyn jymqyrý faktisi boıynsha sotqa deıingi tergeý júrgizilip jatyr", - delingen habarlamada.
Osyǵan uqsas asa iri kólemdegi bıýdjet qarajatyn jymqyrý derekteri boıynsha Memlekettik organdardyń laýazymdy tulǵalary men "Arııa-Jańa Astana" JShS basshylyǵynyń qatysýymen basqa óńirlerde sotaldy tergep-tekserýler júrip jatyr.
