ەكولوگيا، گەولوگيا جانە تابيعي رەسۋرستار مينيسترلىگى لاۋازىمدى تۇلعالارى "وكم وپەراتورى" جشس-دان 180 ملرد تەڭگە ۇرلاماق بولدى، دەپ حابارلايدى "ادىرنا" ۇلتتىق پورتالى inbusiness.kz-كە سىلتەمە جاساپ.
سىبايلاس جەمقورلىققا قارسى قىزمەت باس پروكۋراتۋرانىڭ ۇيلەستىرۋىمەن "وكم وپەراتورى" كومپانياسىنان 180 ملرد تەڭگە كولەمىندە قاراجات ۇرلاۋدىڭ الدىن الدى.
"ەكولوگيا، گەولوگيا جانە تابيعي رەسۋرستار مينيسترلىگىنىڭ لاۋازىمدى تۇلعالارى جانە "وكم وپەراتورى" جشس باسشىلىعى ەلەكتر ەنەرگياسىن وندىرەتىن 6 قوقىس جاعاتىن زاۋىت سالۋ ءۇشىن جەكە ۇيىمدى زاڭسىز قارجىلاندىرۋ ارقىلى كادەگە جاراتۋ الىمدارى تۇرىندە جينالعان 180 ملرد تەڭگەنى ۇرلاۋعا نيەتتەنگەن", – دەپ جازىلعان اگەنتتىك تاراتقان حابارلامادا.
سونداي-اق ەلەكتر ەنەرگياسىن مەملەكەت 15 جىلدا نەگىزسىز جوعارى تاريف بويىنشا ساتىپ الۋعا جانە جەكە كومپانياعا ملرد-تاعان پايدا اكەلۋگە كەپىلدىك بەرۋى كەرەك بولعان.
"ۋاقىتىلى قابىلدانعان شارالار ناتيجەسىندە اتالعان زاڭسىز ارەكەتتەر اشكەرەلەنىپ، قاراجات تۇتقىندالدى. ەكولوگيا ۆيتسە-ءمينيسترى مەن "وكم وپەراتورى" جشس بۇرىنعى باسشىلارى قاماۋدا وتىر. ولاردىڭ كىناسىن سوت ايقىندايدى", – دەپ جازىلعان حابارلامادا.
وزگە اقپارات تەرگەۋ مۇددەسىندە جاريالانبايدى.
"ادىرنا" ۇلتتىق پورتالى
