وتقا ورانعان رەسەيدىڭ قارا تەڭىز فلوتىنىڭ فلاگمانى «ماسكەۋ» زىمىراندىق كرەيسەرى سۇيرەتىلىپ جاتقان كەزدە سۋعا باتىپ كەتتى. بۇل تۋرالى رف قورعانىس مينيسترلىگى حابارلاما تاراتتى، دەپ حابارلايدى “ادىرنا” ۇلتتىق پورتالى.
ۆەدومستۆونىڭ مالىمەتىنشە، «وق-دارىلەردىڭ جارىلۋىنان ءورت كەزىندە الىنعان كورپۋستىڭ زاقىمدالۋىنا بايلانىستى» كەمە ورنىقتىلىعىن جوعالتىپ، «داۋىلدى تەڭىز جاعدايىندا» باتىپ كەتكەن. بۇعان دەيىن رف قورعانىس مينيسترلىگى كرەيسەردىڭ ەكيپاجى ايماقتا بولعان قارا تەڭىز فلوتىنىڭ كەمەلەرىنە ەۆاكۋاتسيالانعانىن حابارلاعان.
14 ساۋىرگە قاراعان ءتۇنى رەسەي قورعانىس مينيسترلىگى «ماسكەۋ» كرەيسەرىندە باستالعان ءورت سالدارىنان وق-دارىلەر جارىلعانىن حابارلادى. اگەنتتىك ەكيپاجدىڭ تولىق ەۆاكۋاتسيالانعانىن، نەگىزگى زىمىراندىق جابدىقتاردىڭ زاقىمدانباعانىن مالىمدەدى. كەيىنىرەك ءورتتى لوكاليزاتسيالاۋدان كەيىن كەمەنىڭ قالقىپ قالعانى حابارلاندى.
كيەۆ كرەيسەرگە ۋكرايندىق ەكى كەمەگە قارسى «نەپتۋن» زىمىراندارى تيگەنىن حابارلادى.
DW مالىمەتىنشە، رەسەي قارا تەڭىز فلوتىنىڭ فلاگمانى «ماسكەۋ» زىمىراندىق كرەيسەرى 1979 جىلى ۇشىرىلعان. ونىڭ قارۋ-جاراقتارىنىڭ اراسىندا كەمىندە 700 كم-گە جەتەتىن P-1000 ۆۋلكان كەشەنىنىڭ 16 كەمەگە قارسى زىمىرانى، S-300 Fort ۇزاق قاشىقتىقتاعى اۋە قورعانىس جۇيەلەرى بولدى.
Forbes مالىمەتىنشە، بۇل رەسەيدىڭ ۋكراينامەن سوعىستاعى ەڭ قىمبات اسكەري شىعىنى. ماسكەۋ كرەيسەرىنىڭ بولجامدى قۇنى 750 ميلليون دوللاردى قۇرايدى.
“ادىرنا” ۇلتتىق پورتالى
