Otqa oranǵan Reseıdiń Qara teńiz flotynyń flagmany «Máskeý» zymyrandyq kreıseri súıretilip jatqan kezde sýǵa batyp ketti. Bul týraly RF Qorǵanys mınıstrligi habarlama taratty, dep habarlaıdy “Adyrna” ulttyq portaly.
Vedomstvonyń málimetinshe, «oq-dárilerdiń jarylýynan órt kezinde alynǵan korpýstyń zaqymdalýyna baılanysty» keme ornyqtylyǵyn joǵaltyp, «daýyldy teńiz jaǵdaıynda» batyp ketken. Buǵan deıin RF Qorǵanys mınıstrligi kreıserdiń ekıpajy aımaqta bolǵan Qara teńiz flotynyń kemelerine evakýaııalanǵanyn habarlaǵan.
14 sáýirge qaraǵan túni Reseı qorǵanys mınıstrligi «Máskeý» kreıserinde bastalǵan órt saldarynan oq-dáriler jarylǵanyn habarlady. Agenttik ekıpajdyń tolyq evakýaııalanǵanyn, negizgi zymyrandyq jabdyqtardyń zaqymdanbaǵanyn málimdedi. Keıinirek órtti lokalızaııalaýdan keıin kemeniń qalqyp qalǵany habarlandy.
Kıev kreıserge ýkraındyq eki kemege qarsy «Neptýn» zymyrandary tıgenin habarlady.
DW málimetinshe, Reseı Qara teńiz flotynyń flagmany «Máskeý» zymyrandyq kreıseri 1979 jyly ushyrylǵan. Onyń qarý-jaraqtarynyń arasynda keminde 700 km-ge jetetin P-1000 Výlkan kesheniniń 16 kemege qarsy zymyrany, S-300 Fort uzaq qashyqtyqtaǵy áýe qorǵanys júıeleri boldy.
Forbes málimetinshe, bul Reseıdiń Ýkraınamen soǵystaǵy eń qymbat áskerı shyǵyny. Máskeý kreıseriniń boljamdy quny 750 mıllıon dollardy quraıdy.
“Adyrna” ulttyq portaly
