رەسەي قورعانىس مينيسترلىگى «ماسكەۋ» زىمىراندىق كرەيسەرىندە ءورت شىققانىن جانە ءورتتىڭ سالدارىنان وق-دارىلەردىڭ جارىلعانى تۋرالى حابارلادى. بۇعان دەيىن ۋكراينالىق اقپارات كوزدەرى ونى قاناتتى زىمىراندارمەن اتقىلاعانى تۋرالى جاريالادى، دەپ حابارلايدى “ادىرنا” ۇلتتىق پورتالى.
"كەمە قاتتى زاقىمداندى، ەكيپاج تولىعىمەن ەۆاكۋاتسيالاندى. ءورتتىڭ شىعۋ سەبەپتەرى انىقتالۋدا", - دەدى رەسەي قورعانىس مينيسترلىگى.
بەيسەنبى كۇنى تۇستەن كەيىن قورعانىس مينيسترلىگى «ماسكەۋ» كرەيسەرىندەگى نەگىزگى زىمىراندىق قارۋ-جاراق زاقىمدالماعانىن جانە تۇتانۋ كوزى لوكاليزاتسيالانعانىن حابارلادى.
"كرەيسەردى پورتقا سۇيرەپ اپارۋ شارالارى جۇرگىزىلۋدە. ءورتتىڭ شىعۋ سەبەپتەرى انىقتالۋدا", - دەلىنگەن اسكەري ۆەدومستۆونىڭ حابارلاماسىندا.
ايتا كەتەيىك، «ماسكەۋ» - رەسەي اسكەري-تەڭىز كۇشتەرىنىڭ قارا تەڭىز فلوتىنىڭ فلاگمانى جانە قارا تەڭىز فلوتىنداعى ەڭ قۋاتتى قارۋى بار كەمە.
فوتو: bbc
سارسەنبى كۇنى كەشكە ودەسسا وبلىستىق اكىمشىلىگىنىڭ باسشىسى پولكوۆنيك ماكسيم مارچەنكو ۋكرايندىق اسكەريلەر رەسەيدىڭ «ماسكەۋ» زىمىراندىق كرەيسەرىن «نەپتۋن» كەمەسىنە قارسى قاناتتى زىمىراندارمەن اتىپ، وعان ايتارلىقتاي زيان كەلتىرگەنىن مالىمدەدى.
«ول ءبىزدىڭ شەكاراشىلار، ونى زمەينىي ارالىنا جىبەرگەن جەرگە ءدال باردى!» - دەپ جازدى مارچەنكو.
سونىمەن قاتار، «ماسكەۋ» كرەيسەرىندەگى وقيعا تۋرالى ۋكراينا پرەزيدەنتى كەڭسەسى باسشىسىنىڭ كەڭەسشىسى الەكسەي ارەستوۆيچ تە راستادى.
«ەكى ماتروس تيىم سالىنعان جەردە تەمەكى شەكتى نەمەسە تاعى دا قاۋىپسىزدىك شارالارىن بۇزدى. ايتەۋىر، ولاردىڭ جولى بولماي قالدى»، - دەپ مىسقىلمەن ءتۇسىندىردى ارەستوۆيچ.
سوعان قاراعاندا بەلگورود پەن ماسكەۋدى تىلگە تيەك ەتكەن سەكىلدى.
ارەستوۆيچ بەلگورودتاعى مۇناي بازاسىندا بولعان جارىلىستى مەڭزەپ، سەبەبىن ۋكراين تىكۇشاقتارىنىڭ سوققىسى دەپ اتادى. ال ۋكراينا مۇنى ونىڭ قارۋلى كۇشتەرىنىڭ ارەكەتى ەكەنىن رەسمي راستاعان جوق.
كرەملدىڭ ءباسپاسوز حاتشىسى دميتري پەسكوۆ بەيسەنبىدە «ماسكەۋ» كرەيسەرىنە قاتىستى جاعداي تۋرالى ۆلاديمير پۋتينگە حابارلادى. پەسكوۆ وقيعانىڭ ناقتى سەبەپتەرى تۋرالى ايتپادى، تەك سۇراقتى قورعانىس مينيسترلىگىنە قايتا باعىتتادى.
“ادىرنا” ۇلتتىق پورتالى
