بۇگىن جاستار اراسىنداعى جۇمىسسىزدىق دەڭگەيىن تومەندەتۋ جانە كاسىپكەرلىكتى دامىتۋ، جاستاردىڭ سۇرانىسىنداعى قاجەتتىلىكتەردى قامتاماسىز ەتۋ ماقساتىندا تاسبوگەت كەنتىنىڭ ورتالىق الاڭىندا «مۇمكىندىكتەر كەرۋەنى» ۇيىمداستىرىلدى.
شارا بارىسىندا 1392 بوس جۇمىس ورىندارى ۇسىنىلسا، مەملەكەتتىك باعدارلامالاردىڭ («ديپلوممەن اۋىلعا»، «2021-2025 جىلدارعا ارنالعان كاسىپكەرلىكتى دامىتۋ ۇلتتىق جوباسى»، «بيزنەس باستاۋ») سالا ماماندارى، جاستارعا جانە جاس وتباسىلارعا تۇرعىن-ءۇي الۋ مۇمكىندىگى بويىنشا «وتباسى بانك» اق-ءنىڭ، «E-gov» ەلەكتروندى قىزمەت كورسەتۋ جۇيەسىن پايدالانۋ بويىنشا «ازاماتتارعا ارنالعان ۇكىمەت»
اق-نىڭ ماماندارى كەڭەس بەردى.
Cونىمەن قاتار، س. مايقانوۆا اتىنداعى مادەنيەت ۇيىندە جاستاردىڭ تەگىن ۇيىرمەلەرگە، تەگىن تىلدىك كۋرستارعا جازىلىپ، تەگىن قۇقىقتىق (ادۆوكاتتاردىڭ، سوت ورىنداۋشىلاردىڭ، قۇقىق قورعاۋ قىزمەتكەرلەرىنىڭ), دارىگەرلىك قىزمەتتەردى الدى.
جاستارعا ارنايى «جاس جۋرناليستەر»، «جاس اقىندار»، «جاس مودەلدەر»، «جاس اكتەرلەر» كاستينگتەرى ۇيىمداستىرىلدى.
ورتالىق الاڭدا ۇلتتىق سپورت تۇرلەرىنەن (قازاق كۇرەسى، توعىزقۇمالاق، قول كۇرەسى، گىر كوتەرۋ، اسىق اتۋ) سايىستار وتكىزىلىپ، جەڭىمپازدار سىيلىقتارمەن ماراپاتتالدى.
كەش سوڭى زاماناۋي اندەرمەن جالعاسىن تاۋىپ، گالا كونتسەرتكە ۇلاستى.
ايتا كەتۋ كەرەك، بۇعان دەيىن ۇستىمىزدەگى جىلدىڭ 25 اقپانىندا وبلىستىق جاستار رەسۋرستىق ورتالىعىندا «مۇمكىندىكتەر الاڭى» وتكىزىلىپ، 100-گە جۋىق بوس جۇمىس ورىندارى ۇسىنىلعان بولاتىن.
الداعى ۋاقىتتا توقسانىنا ءبىر رەت ۇيىمداستىرىلاتىن «مۇمكىندىكتەر كەۋەنىن» قىزىلوردا قالاسىنىڭ شەت ايماقتارىندا وتكىزۋ جوسپارلانۋدا.
