ەرلان قارين اقش مەملەكەتتىك حاتشىسىنىڭ ورىنباسارىمەن كەزدەستى

سونىڭ ىشىندە، مەملەكەتتىك حاتشى قازاقستان پرەزيدەنتى قاسىم-جومارت توقاەۆتىڭ جولداۋى ەلدى جاڭارتۋدى كوزدەيتىن ۇزاق مەرزىمدى باعداردىڭ جانە جالپى ساياسي جاڭعىرۋ ۇدەرىسىنىڭ اجىراماس بولىگى ەكەنىن اتاپ ءوتتى. ول بيلىك تارماقتارى قۇزىرەتتەرىنىڭ بارىنشا ءتيىمدى تەپە-تەڭدىگىن قالىپتاستىرۋ، كوپپارتيالى جۇيەنى، ازاماتتىق قوعام ينستيتۋتتارىن جانە ادام قۇقىعىن قورعاۋ سالاسىن ودان ءارى دامىتۋ جونىندەگى مەملەكەت باسشىسىنىڭ نەگىزگى باستامالارىنا توقتالدى. ۋزرا زەيا پرەزيدەنت قاسىم-جومارت توقاەۆتىڭ ساياسي جانە ەكونوميكالىق باستامالارىنا اقش-تىڭ قولداۋ بىلدىرەتىنىن جەتكىزدى. اقش مەملەكەتتىك حاتشىسىنىڭ ورىنباسارى قازاقستاننىڭ دەموكراتيالىق ۇدەرىستەردى ودان ءارى ىلگەرىلەتۋ جولىنداعى ءىس-ارەكەتىنە الداعى ۋاقىتتا دا قولداۋ كورسەتۋگە دايىن ەكەنىن اتاپ ءوتتى. كەزدەسۋ سوڭىندا تاراپتار ەكىجاقتى ىنتىماقتاستىقتىڭ ءتۇرلى باعىتى بويىنشا سىندارلى ديالوگتى جالعاستىرۋعا ىقىلاستى ەكەنىن تانىتتى.

“ادىرنا” ۇلتتىق پورتالى