قر ۇعا اكادەميگى باۋىرجان جۇماحانۇلى وماروۆ الپىس جاسقا تولدى، دەپ حابارلايدى "ادىرنا" سايتى. بۇل تۋرالى ارىپتەسى سەرىكزات دۇيسەنعازى ءوزىنىڭ Facebook پاراقشاسىندا جازىپ، قۇتتىقتاۋ تىلەگىن ءبىلدىردى.
"بۇگىن ءبىزدىڭ تەلەراديو جانە قوعاممەن بايلانىس كافەدراسىنىڭ پروفەسسورى، قر ۇعا اكادەميگى باۋىرجان جۇماحانۇلى وماروۆ الپىس دەگەن اسقارالى جاستىڭ اسقاق شىڭىن باعىندىرىپ وتىر. اسقاق شىڭ دەپ وتىرعانىم بەكەر ەمەس. «سەكسەن جاساپ سەگىز ءسوز قالدىرماعان» دەپ مۇزبالاق مۇقاعالي ايتقانداي، الپىس دەگەنگە اركىم كەلۋى مۇمكىن. ال ءبىزدىڭ باۋىرجان اعامىزدىڭ ءجونى بولەك. بۇل جاسقا ناردىڭ بەلىن قايىستىراتىن تولاعاي تابىسپەن جەتتى. الاقانداي قاراتەرەڭنەن شىعىپ، قالىڭ قازاقتىڭ باۋىرجانىنا اينالدى. جۋرناليستيكادا قالامىنىڭ ۇشقىرلىعىمەن وقىرماندى تامساندىرسا، عىلىمدا ۇستازى زەينوللا قابدولوۆتىڭ ءىزىن باسىپ اكادەميك اتاندى. مەملەكەتتىك قىزمەتتە دە ۇلتتىق دامۋىمىزعا ماڭىزدى مەكەمەلەردى لايىقتى باسقاردى. ونىڭ ءبارىن تىزەتىن بولسام بىرنەشە توم كىتاپ بولارى انىق.جالپى، باۋىرجان اعانى تانىعانىما وتىز جىلدىڭ ءجۇزى بولىپتى. العاش ءال-فارابي اتىنداعى قازۇۋ-دا ول اسپيرانت مەن ستۋدەنت بولىپ جۇرگەن كەزدە كەزدەسىپ اڭگىمەلەستىك. مەنىڭ ايتىسقا شىعىپ جۇرگەنىمدى ەستىگەن اعام ءوزىنىڭ ستۋدەنت كەزىندە ايتىسقا قاتىسقانىن ايتىپ، سول ايتىستىڭ قىزىق تۇستارىن توقتاماي جاتقا سوققانى ەسىمدە قالىپتى. باۋكەڭنىڭ سوزگە تاپقىرلىق شەبەرلىگىنە، يۋمورعا جۇيرىكتىگىنە قايران قالىپ قايتقانىم بار-تۇعىن. كەيىن اعامنىڭ ءىزىن باسىپ مەن دە «زار زامان ادەبيەتىن» زەرتتەي باستادىم. ول كىسى مۇرات موڭكەۇلىنىڭ شىعارماشىلىعىنان كانديداتتىق ديسسەرتاتسيا قورعادى. ماعان عىلىمي جەتەكشىم، پروفەسسور تۇرسىنبەك كاكىشۇلى دۋلات باباتايۇلىنىڭ شىعارماشىلىعىن زەرتتەۋدى تاپسىردى. بۇل تاقىرىپ مەنى اعاما ودان سايىن جاقىنداتتى. كەزدەسە قالساق اعامنىڭ كول-كوسىر بىلىمىنەن سۋسىنداپ قايتامىن. باۋىرجان اعا كەيىنگى جاستارعا جول كورسەتۋدەن جالىقپايتىن ادام. «الدىڭدا اعاڭ بولعان قانداي جاقسى!» دەگەن ولەڭ وسىنداي اعالارعا ارناپ شىققان بولسا كەرەك.باۋكەڭنىڭ دوستارى مىقتى. بىرگە وقىعان كۋرستاستارى تالعات باتىرحان، مۇراتبەك توقتاعازين، دوستارى امانتاي ءشارىپ، ديحان قامزابەكۇلى، قىدىربەك رىسبەك، ەربول تىلەشوۆ، ت.ب. ورتاسىندا ءجاي ادام جۇرە المايدى. ول ورتاعا كىرۋ ءۇشىن وقىعان-توقىعانىڭ، عىلىم مەن بىلىمگە ۇلكەن دايىندىعىڭ بولۋ كەرەك. ولار باس قوسقاندا دوستىق ازىلدەرىنەن بولەك، اڭگىمە عىلىمي سەمينارعا اينالىپ كەتەدى. سوعان ىلەسە العان ادام ول ورتاعا سىڭەدى.باۋىرجان اعا ۇلى ۇستازدارى ز. قابدولوۆ، س. قيراباەۆ، س. قاسقاباسوۆتار سىندى سوڭىندا ۇلكەن مەكتەپ قالىپتاستىرعان عالىم. شاكىرتتەرى مۇحيت سالقىنباي، اقجىگىت الىبەك، تورەالى قىدىر، ت.ب. قازىرگى ادەبيەتتانۋ، فولكلورتانۋ، شىعىستانۋ سالاسىنا ولجا سالىپ جۇرگەن ازاماتتار. جۋرناليستكا سالاسىندا دا بىرنەشە بۋىن شاكىرتتەرى ديسسەرتاتسيالىق جۇمىستارىن قورعاپ، ۇستازدارىنىڭ ابىرويىن اسىرىپ ءجۇر.باۋىرجان اعانىڭ بالالارى دا «اكە كورىپ، وق جونعان» مىقتىلار. باقىتجان باۋىرجانۇلى تۇركيانىڭ اتاقتى ترت تەلەارناسىندا ءتىلشى، تەلەجۇرگىزۋشى بولدى. ەلگە ورالىپ قىزىلوردا وبلىسى اكىمدىگىنىڭ ءباسپاسوز سالاسىن باسقاردى. داۋرەن باۋىرجانۇلى دا «قازاقستان» ترك قىتاي حالىق رەسپۋبليكاسىنداعى ءتىلشىسى بولدى. ەلگە ورالعان سوڭ «الماتى» تەلەارناسىنىڭ ديرەكتورىنىڭ ورىنباسارى بولىپ تاعايىندالدى. "جۋرناليستيكا" سالاسى بويىنشا قر «دارىن» مەملەكەتتىك سىيلىعىنىڭ لاۋرەاتى. اعامىزدىڭ ءۇش ۇلى بار. بارلىعى ەلگە ابىرويلى ازاماتتار.قازىر قر پرەزيدەنتىنىڭ كەڭەسشىسى دەگەن بيىك لاۋازىمدى اتقارىپ جۇرسە دە باۋىرجان اعا سول باياعى قاراپايىم قالپىنان اجىراماي، جاستارعا ۇلگى بولىپ كەلەدى. «عىلىم كۇنى» مەرەكەسىندە ومىرگە كەلگەن اعامدى «تالتۇسىمەن» قۇتتىقتاي وتىرىپ، اكادەميك سەرىك قيراباەۆ ۇستازىنىڭ جەتكەن جاسىنان اسىپ كەتۋىنە تىلەكتەسپىن!" دەپ جازدى سەرىكزات ماقسۇتۇلى.
"ادىرنا" ۇلتتىق پورتالى
