تالدىقورعان قالاسىنداعى نازارباەۆ زياتكەرلىك مەكتەبىندە كوكتەمنىڭ باستى مەرەكەلەرىنىڭ ءبىرى ناۋرىز مەيرامى اتالىپ ءوتتى. مەرەكە مەكتەپ اۋماعىنا الما، المۇرت كوشەتتەرىن وتىرعىزۋدان باستالدى.
مەكتەپ وقۋشىلارى دايىنداعان «ۇلىستىڭ ۇلى كۇنى – ناۋرىز» اتتى سالتاناتتى كونتسەرت قوناقتارعا جىلى، شىنايى مەرەكەلىك كوڭىل-كۇي سىيلادى.
حالىق قولدانبالى ونەرىنىڭ كورمەسى ۇيىمداستىرىلدى. ارنايى جابدىقتالعان كيىز ۇيدە قوناقتارعا قازاقتىڭ ۇلتتىق تاعامدارى مەن ناۋرىز كوجە ۇسىنىلدى. مەرەكەنى ۇزاق ۋاقىت ەستە قالدىرۋ ماقساتىندا وقۋشىلار ءتۇرلى سپورتتىق ويىندار – «اسىق اتۋ»، «ارقان تارتۋ»، توعىزقۇمالاق بويىنشا سايىسقا ءتۇستى.
بۇگىن مەكتەبىمىزدە سيقىرلى اتموسفەرا، ءبىر شاڭىراق استىندا بۇكىل مەكتەپ قاۋىمى ناۋرىز مەرەكەسىن تويلاۋدا. ناۋرىز – قازاق حالقىنىڭ تۇرمىس-تىرشىلىگىنىڭ كورىنىسى، بيىك رۋحتىڭ، ۇلتتىق مادەنيەت پەن ونەردىڭ، سالت-ءداستۇر مەن ادەت-عۇرىپتىڭ وزەگى. قايتادان تەگىمىزگە قول جەتكىزگەنىمىزگە قۋانىشتىمىن، - دەيدى 9-سىنىپ وقۋشىسى ەلدار نۇربەك.
قازاقتىڭ ادەت-عۇرىپتارىنا ەرەكشە كوڭىل ءبولىندى. «تۇساۋ كەسۋ» سالتاناتىن وتكىزۋ قۇرمەتى زياتكەرلىك مەكتەپ ديرەكتورى ۆيكتور سوسينگە بەرىلدى.
اتا-انالاردىڭ شەبەرلىك سىنىبىندا قازاقتىڭ ۇلتتىق تاعامدارىنىڭ بىرەگەي تاعامدارى ۇسىنىلدى. مەكتەپتىڭ اتا-اناسى عاليا اۋەلبەكوۆا وقۋشىلارعا قازاقتىڭ كونە تاعامى «ورمەت توستىك» ءپىسىرۋ بويىنشا شەبەرلىك سىنىبىن كورسەتتى.
ناۋرىز – تامىرى تەرەڭدە جاتقان مەرەكە، ول جاڭا ىستەردىڭ باستالۋىن، تابيعاتتىڭ ويانعانىن بىلدىرەدى. بۇل كۇنى ءبىز ءبىر-بىرىمىزگە ەڭ جاقسى تىلەكتەرىمىزدى ايتامىز، سوندا بارلىق قيىندىقتار بىزدەن وتەدى. مۇنداي مەرەكەلەر قوعامداعى بىرلىك پەن كەلىسىم مادەنيەتىن نىعايتۋعا تاماشا سەپتىگىن تيگىزەدى. ونى ەلىمىزدەگى بارلىق ەتنوس وكىلدەرى تويلايدى. ۇلىستىڭ ۇلى كۇنى ناۋرىزدا ايتىلعان ءاربىر ىزگى تىلەك ورىندالسىن! ۇلىستىڭ ۇلى كۇنى قۇتتى بولسىن!، – دەگەن ىزگى تىلەگىن جەتكىزگەن 12-سىنىپ وقۋشىسى اجار ابيتاەۆانىڭ اجەسى كليانا شاياحمەتقىزى ناۋرىز مەرەكەسىن تويلاۋ حالىق ءداستۇرىن ساقتاۋعا سەپتىگىن تيگىزەتىنىن باسا ايتتى.
