«Ulystyń uly kúni - Naýryz» merekesi qutty bolsyn!

6631
Adyrna.kz Telegram

Taldyqorǵan qalasyndaǵy Nazarbaev Zııatkerlik mektebinde kóktemniń basty merekeleriniń biri Naýryz meıramy atalyp ótti. Mereke mektep aýmaǵyna alma, almurt kóshetterin otyrǵyzýdan bastaldy.

Mektep oqýshylary daıyndaǵan «Ulystyń uly kúni – Naýryz» atty saltanatty konert qonaqtarǵa jyly, shynaıy merekelik kóńil-kúı syılady.

Halyq qoldanbaly óneriniń kórmesi uıymdastyryldy. Arnaıy jabdyqtalǵan kıiz úıde qonaqtarǵa qazaqtyń ulttyq taǵamdary men naýryz kóje usynyldy. Merekeni uzaq ýaqyt este qaldyrý maqsatynda oqýshylar túrli sporttyq oıyndar – «asyq atý», «arqan tartý», ​​toǵyzqumalaq boıynsha saıysqa tústi.

  Búgin mektebimizde sıqyrly atmosfera, bir Shańyraq astynda búkil mektep qaýymy Naýryz merekesin toılaýda. Naýryz – qazaq halqynyń turmys-tirshiliginiń kórinisi, bıik rýhtyń, ulttyq mádenıet pen ónerdiń, salt-dástúr men ádet-ǵuryptyń ózegi. Qaıtadan tegimizge qol jetkizgenimizge qýanyshtymyn, - deıdi 9-synyp oqýshysy Eldar Nurbek.

Qazaqtyń ádet-ǵuryptaryna erekshe kóńil bólindi. «Tusaý kesý» saltanatyn ótkizý qurmeti Zııatkerlik mektep dırektory Vıktor Sosınge berildi.

Ata-analardyń sheberlik synybynda qazaqtyń ulttyq taǵamdarynyń biregeı taǵamdary usynyldy. Mekteptiń ata-anasy Ǵalııa Áýelbekova oqýshylarǵa qazaqtyń kóne taǵamy «Órmet Tóstik» pisirý boıynsha sheberlik synybyn kórsetti.

  Naýryz – tamyry tereńde jatqan mereke, ol jańa isterdiń bastalýyn, tabıǵattyń oıanǵanyn bildiredi. Bul kúni biz bir-birimizge eń jaqsy tilekterimizdi aıtamyz, sonda barlyq qıyndyqtar bizden ótedi. Mundaı merekeler qoǵamdaǵy birlik pen kelisim mádenıetin nyǵaıtýǵa tamasha septigin tıgizedi. Ony elimizdegi barlyq etnos ókilderi toılaıdy. Ulystyń uly kúni Naýryzda aıtylǵan árbir izgi tilek oryndalsyn! Ulystyń uly kúni qutty bolsyn!, – degen izgi tilegin jetkizgen 12-synyp oqýshysy Ajar Ábıtaevanyń ájesi Klıana Shaıahmetqyzy Naýryz merekesin toılaý halyq dástúrin saqtaýǵa septigin tıgizetinin basa aıtty.

 

Pikirler