Ýkraınanyń JIÓ 2022 jyly 45,1%-ǵa tómendeýi múmkin, delingen Dúnıejúzilik banktiń Eýropa men Túrkistannyń ekonomıkalyq damý perspektıvalary týraly esebinde, dep habarlaıdy «Adyrna» ulttyq portaly.
Zertteý avtorlarynyń aıtýynsha, Ýkraınanyń jalpy ishki ónimi jyl sońyna deıin eki esege derlik – «shamamen 45,1%-ǵa» qysqarady. Sarapshylar bul boljamnyń ekonomıkaǵa áseriniń aýyrlyǵy Ýkraınadaǵy qaqtyǵystyń uzaqtyǵy men qarqyndylyǵyna baılanysty bolatynyn atap ótti.
«Ýkraınaǵa tez arada eleýli qarjylyq qoldaý qajet, óıtkeni ol óz ekonomıkasyn saqtap qalý úshin kúresip jatyr, al úkimet zardap shegip, tótenshe jaǵdaıǵa tótep berip jatqan Ýkraına azamattaryn qoldaýǵa tyrysýda», dep atap ótti Dúnıejúzilik banktiń vıe-prezıdenti Anna Berde
Dúnıejúzilik bank Reseıdiń JIÓ 2022 jyly 11,2% deńgeıinde qysqarady dep boljaıdy.
Dúnıejúzilik bank esebiniń avtorlary Ýkraınadaǵy qarýly qaqtyǵys pen COVID pandemııasynan aımaq ekonomıkasyna keltirilgen shyǵyndy salystyrdy. Olardyń pikirinshe, Ýkraınadaǵy oqıǵalardyń keri áseri koronavırýstyq pandemııadan eki ese joıqyn bolady.
Aıta keteıik, Dúnıejúzilik bank – shtab-páteri AQSh astanasynda ornalasqan eń iri halyqaralyq qarjy uıymdarynyń biri.
”Adyrna” ulttyq portaly
