"ۋكرايناعا قارسى سوعىس اشىپ، باسقىنشى اسكەرلەرىنىڭ قولىمەن ۋكراين حالقىن قۇرتىپ جاتقان رەسەي پرەزيدەنتى ۆلاديمير پۋتين - اسكەري قىلمىسكەر. وسىنداي ايۋاندىقتارى ءۇشىن گااگاداعى حالىقارالىق قىلمىستىق سوت (حقك) اگرەسسور ەلدىڭ باسشىسىن قاماۋعا الۋعا وردەر بەرۋگە مىندەتتى". بۇل تالاپتى بىرىككەن ۇلتتار ۇيىمىنىڭ (بۇۇ) يۋگوسلاۆيا مەن رۋاندا بويىنشا حالىقارالىق قىلمىستىق حالىقارالىق تريبۋنالى بويىنشا بۇرىنعى پروكۋرورى كارلا دەل پونتە قويدى. بۇل تۋرالى ول شۆەيتساريالىق Le Temps گازەتىنە بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
سۋديا 24 اقپاننان باستاپ رەسەي ارمياسى باسىپ كىرگەننەن بەرى ۋكراينادا جاساعان قىلمىستارى ءۇشىن ءپۋتيندى جانە باسقا دا رەسەيلىك ساياسي جانە اسكەري جەتەكشىلەردى جاۋاپقا تارتۋ ءۇشىن حالىقارالىق قاماۋعا الۋ تۋرالى وردەر بەرۋ قاجەت ەكەنىن اتاپ ءوتتى.
«پۋتين – اسكەري قىلمىسكەر»، - دەدى ول. دەل پونتە ءۇشىن رەسەي فەدەراتسياسىنىڭ باسشىسىن قاماۋعا الۋعا وردەر بەرۋ «تەرگەۋ جۇمىستارى جۇرگىزىلدى» دەگەن بەلگى. ونىڭ ايتۋىنشا، بۇل اسكەري قىلمىس جاساعان ادامدى قۇرىقتاپ، حالىقارالىق سوتقا تارتۋدىڭ جالعىز قۇرالى.
شۆەيتساريالىق سۋديا سونداي-اق ۋكرايناعا قارسى تەرگەۋ بۇرىنعى يۋگوسلاۆياعا قاراعاندا جەڭىل بولادى دەپ ەسەپتەيدى، ويتكەنى كيەۆتىڭ ءوزى تەرگەۋ جۇرگىزۋدى بۇۇ-نىڭ حالىقارالىق تريبۋنالىنان سۇراعان.
"مۇنداي وردەر بەرۋ پۋتين قاماۋعا الىنادى دەگەندى بىلدىرمەيدى - بۇل ەشقاشان بولمايدى. بىراق ول ءوز ەلىنەن كەتە المايدى جانە بۇل قازىردىڭ وزىندە ماڭىزدى سيگنال بولادى", - دەپ ءتۇسىندىردى دەل پونتە.
"ادىرنا" ۇلتتىق پورتالى
