شىعىس قازاقستان وبلىسىندا جۇك پويىزىنىڭ ۆاگوندارى رەلستەن شىعىپ كەتتى، دەپ حابارلادى "قازاقستان تەمىر جولى "ۇق" اق (قتج) ءباسپاسوز قىزمەتى. بۇل تۋرالى "ادىرنا" ۇلتتىق پورتالى جازادى.
"2022 جىلعى 3 ءساۋىر 12 ساعات 04 مينۋتتا شىعىس قازاقستان وبلىسىنىڭ وسكەمەن – قۇمىستاۋ تەمىرجول ۋچاسكەسىندە جۇك پويىزىنىڭ 18 ۆاگونى رەلستەن شىعىپ كەتتى. پويىز ساعاتىنا 37 كم جىلدامدىقپەن جۇرگەن. رۋدا تيەلگەن ەكى ۆاگون رەسەي فەدەراتسياسىنىڭ مەنشىگى. شلاك تيەلگەن تاعى 16 ۆاگون "كازتسينكتەمىرترانس" جشس-نە تيەسىلى",- دەلىنگەن حابارلامادا.
كومپانيا حابارلاۋىنشا، قازا بولعاندار مەن زارداپ شەككەندەر جوق.
"جولاۋشى جانە جۇك پويىزدارىنىڭ كىدىرىسى بولعان جوق. قازىرگى ۋاقىتتا قالپىنا كەلتىرۋ جۇمىستارى ءجۇرىپ جاتىر. بولعان جاعدايدىڭ سەبەپ-سالدارىن تەكسەرىپ-انىقتاۋ ءۇشىن "قتج "ۇك"اق باسشىلارىنان كوميسسيا قۇرىلدى", - ،- دەپ جازىلعان كومپانيا حابارلاماسىندا.
"ادىرنا" ۇلتتىق پورتالى