ۆلاديمير پۋتينگە قاتەرلى ىسىك اۋرۋىن حيرۋرگيالىق ەمدەۋگە ماماندانعان دارىگەر ءجيى كەلەتىن كورىنەدى. مۇنى "پروەكت" باسىلىمى راستاپ وتىر، ول رەسەي پرەزيدەنتىنىڭ ساپارلارىندا بىرگە جۇرەتىن جەكە دارىگەرلەردىڭ ءتىزىمىن تاپقان، دەپ حابارلايدى "ادىرنا" ۇلتتىق پورتالى "ازاتتىققا" سىلتەمە جاساپ.
"رەسەي كوشباسشىسىنىڭ تۇراقتى سەرىكتەرىنىڭ ءبىرى ورتالىق كلينيكالىق اۋرۋحانانىڭ قىزمەتكەرى ەۆگەني سەليۆانوۆ بولىپ شىقتى", - دەلىنگەن زەرتتەۋدە.
ونىڭ ديسسەرتاتسياسىنىڭ تاقىرىبى "قالقانشا بەزىنىڭ قاتەرلى ىسىگىمەن اۋىراتىن ەگدە جانە كارى ناۋقاستاردى دياگنوستيكالاۋ جانە حيرۋرگيالىق ەمدەۋ ەرەكشەلىكتەرى" دەپ اتالادى جانە بۇل ادام ءبىر عانا سوچيدە پۋتينگە قاراي كەمىندە 35 رەت ۇشقان.
ماتىندە ءپۋتيننىڭ بىردەڭەمەن اۋىرعانى تۋرالى تىكەلەي ايتىلماعان جانە ناقتى دياگنوزدار اتالماعان.
"پروەكت" كەم دەگەندە ەكى رەت پۋتينگە وپەراتسيادان نەمەسە وتە اۋىر پروتسەدۋرادان وتكەنىن، وتانى ارقا تۇسىنا جاساتقانىن جازادى. بۇل جاعدايلار ءپۋتيننىڭ سول كەزدەگى باق نازارىن اۋدارعان قوعامدىق ورتادان "جوعالۋلارىمەن" تۇسپا-تۇس كەلەدى.
زەرتتەۋ مالىمەتتەرى بويىنشا سوڭعى جىلدارى پۋتينمەن ءبىر مەزگىلدە سوچيدە كوبىنە ءۇش دارىگەر بولعان. ولار وتولارينگولوگتار الەكسەي ششەگلوۆ پەن يگور ەساكوۆ جانە جوعارىدا اتالعان ونكولوگ-حيرۋرگ ەۆگەني سەليۆانوۆ.
ء"تورت جىلدا ول پۋتينگە سوچيگە 59 رەت ۇشىپ بارىپ، 282 كۇن قاسىندا بولدى. سەليۆانوۆ - 35 رەت 166 كۇن", - دەپ جازادى "پروەكت" گازەتى. -بۇل بريگادا ءپۋتيننىڭ سوچيدە رەسمي بولعان كەزىندە دە، ەل باسشىسىنىڭ "جوعالىپ كەتۋى" كەزىندە دە ونىڭ جاعىندا بولدى".
سونىمەن قاتار، ءپۋتيننىڭ دەنساۋلىعىنا قاتىستى زەرتتەۋدە ونىڭ التايعا ساپارلارى كەزىندە جاس بۇعى مۇيىزدەرىنىڭ سىعىندىسى قوسىلعان ۆانناعا تۇسەتىنى ايتىلعان.
جۋرناليستەر ءپۋتيننىڭ وتكەن جىلدىڭ قىركۇيەگىندە كەنەتتەن وقشاۋلانۋعا كەتكەنىنە دە نازار اۋداردى. وسى وقيعادان كەيىن ول كوپتەگەن ادامدارمەن، سونىڭ ىشىندە شەتەلدىك كوشباسشىلارمەن جانە ونىڭ اينالاسىنداعى ادامدارمەن الىس قاشىقتىقتا سويلەسە باستادى. رەسەي باسشىسىنىڭ ۇلكەن ۇستەلدە كەلۋشىلەرمەن كەزدەسۋلەرى ءتىپتى ينتەرنەت-مەمگە اينالدى.
"مۇنىڭ ءبارى - مۇلدە قاتە اقپارات. بۇل جەردە ءبارى شىندىققا جاناسپايدى", - دەدى پرەزيدەنتتىڭ ءباسپاسوز حاتشىسى دميتري پەسكوۆ جوباعا.
"وستوروجنو media" تىلشىسىمەن سۇحباتىندا دميتري پەسكوۆ "پروەكت" باسىلىمى اقپاراتىنىڭ جالعان ەكەندىگىن، "پرەزيدەنت ءپۋتيننىڭ قاتەرلى ىسىكپەن اۋىرماعانى راس پا؟" دەگەن سۇراققا جاۋاپ بەردى: "راس", - دەپ جاۋاپ بەرگەن بولاتىن.
بىرقاتار باسقا ونكولوگيالىق اۋرۋلارمەن سالىستىرعاندا قالقانشا بەزىنىڭ قاتەرلى ىسىگى پاتسيەنتتەر ءۇشىن قولايلى بولجاممەن سيپاتتالادى، ول اگرەسسيۆتى ەمەس جانە كوپتەگەن جاعدايلاردا ەمدەۋگە بولادى.
"ادىرنا" ۇلتتىق پورتالى.
