قازاقستانداعى ورتالىق سايلاۋ كوميسسياسىنىڭ جاڭا حاتشىسى سايلاندى. بۇل تۋرالى وسك ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
“نۇرلان ءابدىروۆ وسك وتىرىسىن وتكىزدى. وندا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 11-بابى 2-تارماعىنا سايكەس مۇحتار ەرمان ورتالىق سايلاۋ كوميسسياسىنىڭ حاتشىسى بولىپ سايلاندى”، – دەلىنگەن حابارلامادا.
مۇحتار ەرمان 30 ناۋرىزدا ورتالىق سايلاۋ كوميسسياسىنىڭ مۇشەسى بولىپ تاعايىندالعان ەدى. بۇعان دەيىن ورتالىق سايلاۋ كوميسسياسىنىڭ حاتشىسى قىزمەتىن اتقارعان اناستاسيا ششەگورتسوۆا وسك مۇشەسى رەتىندە جۇمىسىن جالعاستىرادى.
