ءدىني ساۋاتى از ازاماتتار تەرىس اعىمداردىڭ جەتەگىنە ەرىپ، دۇرىس جولدان تايىپ جاتادى. ال ولاردى ارام پيعىلدى اعىمداردىڭ قارماعىنان ساقتاۋ ءۇشىن، ساۋاتتىلىق شارالارىن كۇشەيتۋ قاجەت. بۇل باعىتتاعى جۇمىستار وبلىستا جوسپارلى، جۇيەلى تۇردە ىسكە اسىرىلپ كەلە جاتىر. ءدىن ماسەلەسىنە دەن قويعان قوعامدىق بىرلەستىكتەردىڭ سانى دا، ساپاسى دا ارتقان.بۇگىنگى كۇنى بۇكىل الەم بويىنشا اقپاراتتار الماسۋ مۇمكىندىگى الەۋمەتتىك جەلىلەر جۇيەسىندە وتە كەڭ تارالۋدا. ادامدار ونى قولدانۋ ارقىلى وتە الىس قاشىقتىقتى باعىندىرىپ، باسقا ەلدەر مەن قۇرلىقتارمەن ەركىن بايلانىس قۇرىپ وتىر.
الايدا، عالامتوردىڭ وسىنداي جەتىستىگى مەن قولجەتىمدىلىگىن ءداستۇرلى ەمەس ءدىني اعىمدار دا ءوز پايدالارىنا قولدانۋدا. ەكسترەميستىك جانە تەرروريستىك ۇيىمداردىڭ حالىققا اقپارات ارقىلى اسەر ەتۋدى كەڭىنەن قولدانۋى ولاردىڭ قىزمەتىنىڭ اجىراماس بولىگىنە اينالدى. ەڭ الدىمەن ەكسترەميستىك جانە تەرروريستىك ۇيىمدار عالامتوردى جەلى قولدانۋشىلاردىڭ ءالى قالىپتاسىپ ۇلگەرمەگەن ساناسىنا ىقپال ەتۋ ءۇشىن قولدانادى. ياعني، ولاردىڭ نەگىزگى نىساناسى الەۋمەتتىك جاعدايى مەن دۇنيەگە دەگەن كوزقاراسى تولىق قالىپتاسپاعان توپتار بولىپ تابىلادى.
ءدىني ساۋاتى تاياز ادامداردىڭ ءدىني اقپاراتتى عالامتوردان ىزدەيتىندىگى بەلگىلى. ال، مۇنداي ادامنىڭ اقپارات تاراتۋ ماسەلەسىندە وتە بەلسەندى جۇمىس جۇرگىزەتىن راديكالدى ۇيىمداردىڭ قارماعىنا ءىلىنۋى ابدەن مۇمكىن.
تەرىس پيعىلدى اعىمداردىڭ كەيبىر سايتتارى حالىقتى ەكسترەميستىك نەمەسە تەرروريستىك ارەكەتتەرگە شاقىرۋدى ناسيحاتتاماۋى مۇمكىن. ولار يسلامعا ارنالعان اقپارتتىق پورتال رەتىندە جۇمىس جۇرگىزەدى. الايدا، ولار شىن مانىندە حالىقتىڭ ءداستۇرلى ءدىني ۇستانىمدارىن ىدىراتىپ، مۇسىلماندار اراسىنا جىك سالىپ، ءدىندى ىشتەي بولشەكتەۋدى كوزدەۋى مۇمكىن.
ىشكى تۇراقتىلىق پەن اۋىزبىرشىلىكتى ساقتاۋ ارقىلى عانا ەلىمىز بولاشاقتا كوزدەپ وتىرعان اسقاق ماقساتتارعا قول جەتكىزە الادى.قازاقستاننىڭ ءاربىر ازاماتى ءوزىنىڭ ءدىني ساۋاتىن ارتتىرۋعا ءمان بەرىپ، رۋحاني جانە ۇلتتىق قۇندىلىقتاردى دارىپتەۋگە ءوز شاماسىنىڭ جەتكەنىنشە اتسالىساتىن بولسا ەلدىڭ ىشكى تۇراقتىلىعى مەن بۇتىندىگىنە ەشقانداي جات پيعىلدى اعىمداردىڭ سىزات تۇسىرە الماسى انىق.
نۇراحىمان ەليزا،
ءال-فارابي اتىنداعى قازۇۋ،
«يسلامتانۋ» ماماندىعىنىڭ 4-كۋرس ستۋدەنتى;
جەتەكشىسى: ءال-فارابي اتىنداعى قازاق ۇلتتىق ۋنيۆەرسيتەتىنىڭ «ءدىنتانۋ جانە مادەنيەتتانۋ» كافەدراسىنىڭ اعا-وقىتۋشىسى ابدۋللاەۆ نۇرجان كىدىراليەۆيچ
