Dinı saýattylyqty arttyrý mańyzdylyǵy

2443
Adyrna.kz Telegram

Dinı saýaty az azamattar teris aǵymdardyń jetegine erip, durys joldan taıyp jatady. Al olardy aram pıǵyldy aǵymdardyń qarmaǵynan saqtaý úshin, saýattylyq sharalaryn kúsheıtý qajet. Bul baǵyttaǵy jumystar oblysta josparly, júıeli túrde iske asyrylp kele jatyr. Din máselesine den qoıǵan qoǵamdyq birlestikterdiń sany da, sapasy da artqan.Búgingi kúni búkil álem boıynsha aqparattar almasý múmkindigi áleýmettik jeliler júıesinde óte keń taralýda. Adamdar ony qoldaný arqyly óte alys qashyqtyqty baǵyndyryp, basqa elder men qurlyqtarmen erkin baılanys quryp otyr.

Alaıda, ǵalamtordyń osyndaı jetistigi men qoljetimdiligin dástúrli emes dinı aǵymdar da óz paıdalaryna qoldanýda. Ekstremıstik jáne terrorıstik uıymdardyń halyqqa aqparat arqyly áser etýdi keńinen qoldanýy olardyń qyzmetiniń ajyramas bóligine aınaldy. Eń aldymen ekstremıstik jáne terrorıstik uıymdar ǵalamtordy jeli qoldanýshylardyń áli qalyptasyp úlgermegen sanasyna yqpal etý úshin qoldanady. Iaǵnı, olardyń negizgi nysanasy áleýmettik jaǵdaıy men dúnıege degen kózqarasy tolyq qalyptaspaǵan toptar bolyp tabylady.

Dinı saýaty taıaz adamdardyń dinı aqparatty ǵalamtordan izdeıtindigi belgili. Al, mundaı adamnyń aqparat taratý máselesinde óte belsendi jumys júrgizetin radıkaldy uıymdardyń qarmaǵyna ilinýi ábden múmkin.

Teris pıǵyldy aǵymdardyń keıbir saıttary halyqty ekstremıstik nemese terrorıstik áreketterge shaqyrýdy nasıhattamaýy múmkin. Olar ıslamǵa arnalǵan aqparttyq portal retinde jumys júrgizedi. Alaıda, olar shyn máninde halyqtyń dástúrli dinı ustanymdaryn ydyratyp, musylmandar arasyna jik salyp, dindi ishteı bólshekteýdi kózdeýi múmkin.

Ishki turaqtylyq pen aýyzbirshilikti saqtaý arqyly ǵana elimiz bolashaqta kózdep otyrǵan asqaq maqsattarǵa qol jetkize alady.Qazaqstannyń árbir azamaty óziniń dinı saýatyn arttyrýǵa mán berip, rýhanı jáne ulttyq qundylyqtardy dáripteýge óz shamasynyń jetkeninshe atsalysatyn bolsa eldiń ishki turaqtylyǵy men bútindigine eshqandaı jat pıǵyldy aǵymdardyń syzat túsire almasy anyq.

Nurahyman Elıza,

ál-Farabı atyndaǵy QazUÝ,

«Islamtaný» mamandyǵynyń 4-kýrs stýdenti;

Jetekshisi: ál-Farabı atyndaǵy Qazaq ulttyq ýnıversıtetiniń «Dintaný jáne mádenıettaný» kafedrasynyń aǵa-oqytýshysy Abdýllaev Nurjan Kydyralıevıch

Pikirler