جەزقازعاندا جاپپاي توبەلەس ورىن الدى. وقيعا ۆيدەوعا ءتۇسىپ قالعان، - دەپ حابارلايدى "ادىرنا" ءتىلشىسى.
جاس جىگىتتەردىڭ توبەلەسى 25 ناۋرىز كۇنى بولعانىمەن، وقيعانىڭ ءمان-جايى بۇگىن عانا بەلگىلى بولدى. الەۋمەتتىك جەلىدە توبەلەستىڭ ۆيدەوسى تاراپ كەتتى. جازباعا قاراعاندا، توبەلەسكە شامامەن جەتى جىگىت قاتىسقان.
بەينەجازبا قۇقىق قورعاۋ ورگاندارىنىڭ نازارىنان تىس قالمادى. قاراعاندى وبلىسى پد ءباسپاسوز قىزمەتى وقيعاعا قاتىستى تۇسىنىكتەمە بەردى.
"پوليتسەيلەر بۇل جانجالدىڭ 25 ناۋرىزدا جەزقازعان قالاسىندا بولعانىن انىقتادى. جەزقازعان پوليتسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىنىڭ بارىسىندا كۇدىكتى رەتىندە 17-18 جاس ارالىعىنداعى ءتورت جاس جىگىتتى ۇستادى", - دەپ حابارلايدى قاراعاندى قالاسى پد ءباسپاسوز قىزمەتى.
سونداي-اق مينيسترلىك بۇل فاكتى بويىنشا قر قىلمىستىق كودەكسىنىڭ 293-بابى «بۇزاقىلىق» 2-بولىگى بويىنشا سوتقا دەيىنگى تەرگەۋ باستالعانىن اتاپ ءوتتى.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
