ەكىنشى رەتتىك سانكتسيالار ەنگىزىلسە، قازاقستان ەكونوميكاسىنداعى قازىرگى قيىندىقتار تەك بولماشى پروبلەمالارعا اينالۋى مۇمكىن. قازاقستان اقش پەن باتىستىڭ ەكىنشى رەتتىك سانكتسيالارىنىڭ ىقپالىنا ءتۇسۋى مۇمكىن، دەپ حابارلايدى "ادىرنا" ۇلتتىق پورتالى.
بايدەن اكىمشىلىگىنىڭ جوعارى لاۋازىمدى شەنەۋنىكتەرى ۋكرايناداعى قاقتىعىس شيەلەنىسۋىن جالعاستىرۋدا جانە قولدانىستاعى سانكتسيالاردىڭ رەسەي ەكونوميكاسىنا اسەرى تۇسىنىكسىز بولىپ جاتقاندىقتان، رەسەيگە قارسى سانكتسيالاردىڭ كۇرت كۇشەيۋ مۇمكىندىگىن زەرتتەپ جاتىر، دەپ جازادى The Washington Post.
ايتپاقشى، «ەكىنشى رەتتىك سانكتسيالار» ەكونوميكالىق بلوكادانىڭ قۇرالى بولىپ تابىلادى، ونى اقش سيرەك جاعدايلاردا عانا قولدانعان. ەكونوميكالىق سوعىستىڭ باستاپقى ءتۇرى تەڭىز بلوكاداسى بولسا، ەكىنشى رەتتىك سانكتسيالار ونى ءبىزدىڭ قازىرگى قارجىلىق الەمدە قايتا قۇرۋدىڭ جولى بولىپ تابىلادى.
باسىلىمنىڭ جازۋىنشا، ەگەر ەكىنشى رەتتىك سانكتسيالار كۇشىنە ەنسە، رەسەيگە قارسى ءوز سانكتسيالارىن قولدانۋدان باس تارتقان ازيا ەلدەرى مەن باسقا دا ايماقتار رەسەيدىڭ سانكتسياعا ۇشىراعان بولىكتەرىمەن ءوزارا ارەكەتتەسۋدى جالعاستىرۋدى نەمەسە باتىس ەلدەرىنىڭ ەكونوميكاسىنان باس تارتۋى تۋرالى ەكى شەشىمدى قابىلداۋلارىنا تۋرا كەلەدى.
وسىلايشا، مۇنداي ستسەناريدى جۇزەگە اسىرۋدا، ياعني ءۇشىنشى ەلدەرگە، ونىڭ ىشىندە قازاقستانعا قارسى ەكىنشى رەتتىك سانكتسيالاردى ەنگىزەر بولسا قازىرگى قازاقستان ەكونوميكاسىنداعى اعىمداعى قيىندىقتارى (ۆاليۋتا باعامىنىڭ تومەندەۋى، ينفلياتسيانىڭ كۇتىلەتىن ءوسۋى، ينفلياتسيانىڭ باياۋلاۋى، ءجىو ءوسىمى) تۇككە تۇرعىسىز بولىپ قالۋى بەك مۇمكىن. قورىتا ايتقاندا، ەل ەكونوميكاسىنا قاۋىپ تقنىپ تۇر.
"ادىرنا" ۇلتتىق پورتالى
