رەسەي پرەزيدەنتىنىڭ تۇراقتى دامۋ جونىندەگى ارنايى وكىلى اناتولي چۋبايس قىزمەتىنەن كەتىپ، ەلدەن ۇشىپ كەتتى. بۇل تۋرالى Bloomberg باسىلىمى ەكى دەرەككوزگە سىلتەمە جاساپ حابارلادى، دەپ جازادى "ادىرنا" ۇلتتىق پورتالى.
باسىلىمنىڭ مالىمەتىنشە، شەنەۋنىك رەسەيدىڭ ۋكرايناعا باسىپ كىرۋىنە كەلىسپەيتىنىن بىلدىرگەن.
ەگەر وتستاۆكاعا كەتكەنى راستالسا، چۋبايس ۋكرايناداعى سوعىس باستالعاننان بەرى وتستاۆكاعا كەتكەن رەسەيدەگى ەڭ جوعارى لاۋازىمدى شەنەۋنىك اتانباق.
ايتا كەتەيىك، چۋبايس ءوزىنىڭ Facebook پاراقشاسىن بەلسەندى تۇردە جۇرگىزەدى، الايدا سوعىس باستالعالى بەرى 24 اقپاندا ول وقىرمانداردىڭ سۇراقتارىنا جاۋاپ بەرۋدى توقتاتقان. ولاردىڭ كوپشىلىگى ونىڭ سوعىس تۋرالى پىكىرىنە قىزىعۋشىلىق تانىتقان ەدى.
"ادىرنا" ۇلتتىق پورتالى
