ادام ولتىرگەن شەنەۋنىك جازادان قۇتىلىپ كەتپەكشى

2324
Adyrna.kz Telegram

ريددەر قالاسى اكىمىنىڭ ورىنباسارى ماس كۇيىندە جۇرگىزىپ، ادام قاعىپ ولتىرگەن كولىكتە وسكەمەننىڭ دە اكىمى بولعانى راستالدى. بۇل تۋرالى شىعىس قازاقستان وبلىسى پروكۋراتۋراسىنىڭ وكىلدەرى مالىمدەپ وتىر. ال و باستا الگى كولىكتە وسكەمەننىڭ دە باسشىسى بولعانىن وسى وقيعا سالدارىنان قازا تاپقان ەۆگەني سمولنيكوۆتىڭ اكەسى ايتقان ەدى.

الايدا اكىم قۋات تۋماباەۆ ريددەر اكىمىنىڭ ورىنباسارى باۋىرجان قۇرمانباەۆ سەكىلدى قاماۋعا الىنباي، تەرگەۋ ءىسى اياقتالعانشا جۇمىسىن جالعاستىرا بەرمەك. سونداي-اق، كريمينالدىق پوليتسيا ءبولىمىنىڭ باسشىسى دا شاتىلىپ جاتىر. جابىرلەنۋشىلەرگە قىسىم جاسادى دەپ ايىپتالعان ونى وزىندىك قاۋىپسىزدىك باسقارماسى تەرگەي باستادى. ەسكە سالساق، قايعىلى وقيعا 15-ءشى ساۋىردە بولعان ەدى. اراققا سىلقيا تويعان ريددەر قالاسى اكىمىنىڭ ورىنباسارى «BMW ح5-پەن» جول جيەگىندەگى جاياۋ جۇرگىنشىنى جانشىپ وتكەن. 19 جاستاعى ەۆگەني سمولنيكوۆ سول جەردە تىلگە كەلمەستەن كوز جۇمدى. قازىر ادام قاعىپ ولتىرگەن باۋىرجان قۇرمانباەۆ قاماۋدا وتىر. ونىڭ قىلمىسى دالەلدەنسە، 5 جىلعا باس بوستاندىعىنان ايىرىلۋى مۇمكىن. تۋماباەۆتىڭ دا ماسەلەسى قارالىپ جاتىر.

ماقسۇت توقسانباەۆ، شقو پروكۋرورىنىڭ كومەكشىسى

جول كولىك وقيعاسى كەزىندە، اۆتوكولىكتىڭ ىشىندە قۇرمانباەۆپەن بىرگە وسكەمەن قالاسىنىڭ اكىمى تۋماباەۆ بولعان. قىلمىستىڭ ءىس ءىىد-ءنىڭ انىقتاۋ باسقارماسىنىڭ وندىرىسىندە، ءىس بويىنشا پروتسەسۋالدىق پروكۋرور قابىلداندى.

_____________________________________________________________________________________________________________

ktk.kz

پىكىرلەر