"استانا" ۋنيۆەرسيتەتىنە ءتۇسۋ ءۇشىن IELTS سەرتيفيكاتىن "ساتىپ العان" ستۋدەنتتەر وقۋدان شىعارىلدى. ءبىلىم جانە عىلىم مينيسترلىگى جۇرگىزگەن تەكسەرىستەردىڭ ناتيجەسىندە بازادا تىركەلمەگەن 117 سەرتيفيكاتتىڭ بار ەكەنى انىقتالدى ، - دەپ حابارلايدى "حابار-24" .
تەلەارنانىڭ مالىمەتىنشە، بىلتىر كۇزدە ەمتيحاندى ءوز كۇشىمەن تاپسىرعاندار ارىزدانىپ، بۇل ءىس بويىنشا تەكسەرىس جۇرگىزىلگەن ەدى. سونىڭ ناتيجەسىندە اعىلشىن ءتىلى ەمتيحانى بويىنشا 117 تىركەلمەگەن سەرتيفيكات انىقتالعان.
ء"بىلىم جانە عىلىم مينيسترلىگىنىڭ كوميسسياسى ەكى رەت تەكسەرىس جۇرگىزدى. باسىندا ءبىز 33 بالانى شىعاردىق. جاقىندا تاعى 84 ستۋدەنت وقۋدان شەتتەتىلدى. ەندى بۇل ازاماتتار ولاردىڭ وقۋىنا جۇمسالعان قارجىنى قايتارۋى ءتيىس. ولاردىڭ كوبى گرانتتا وقىدى. تەك 9 ادام عانا وقۋىنا ءوزى تولەدى", - دەيدى "استانا مەديتسينالىق ۋنيۆەرسيتەتى" اق رەكتورىنىڭ ورىنباسارى فرانتس گاليتسكي.
بۇل وقيعانى تەرگەۋ قالالىق ىشكى ىستەر دەپارتامەنتىنە جۇكتەلگەن ەكەن. ناتيجەسىندە 117 قىلمىستىق ءىس قوزعالدى. ونىڭ 30-ى سوتقا جىبەرىلگەن.
"385-باپتىڭ 3-تاراۋى، ياعني، جالعان قۇجاتتى پايدالانۋ سانكتسياسى بويىنشا 300 ايلىق ەسەپتىك كورسەتكىش ايىپپۇل جازاسى تاعايىندالادى", - دەيدى سارىارقا اۋداندىق №2 سوتىنىڭ سۋدياسى بولات پازىلوۆ.
سونداي-اق، وقۋدان شىعىپ قالعان ستۋدەنتتەردىڭ ورنى قازىر بوس ەكەنى ايتىلادى. ەندى ەمتيحاندى ءوز كۇشىمەن تاپسىرعاندار وسى گرانتتاردى يەلەنۋگە ءۇمىتتى.
"وكىنىشكە قاراي، ءبىز بۇل تۇيىتكىلدى ءوز بەتىمىزبەن شەشە المايمىز. ول ءۇشىن ءبىلىم جانە عىلىم مينيسترلىگى بىرقاتار قۇجاتتى رەتتەۋ كەرەك. سونىڭ نەگىزىندە ءبىز اقشا تولەپ وقىپ جاتقانداردى وسى بوس ورىندارعا اۋىستىرامىز", - دەدى "استانا مەديتسينالىق ۋنيۆەرسيتەتى" اق رەكتورىنىڭ ورىنباسارى فرانتس گاليتسكي.
تەلەارنانىڭ مالىمەتىنشە، جالعان سەرتيفيكات ساتىپ العان ستۋدەنتتىڭ ءبارى وقۋدان كۇزدە شىعارىلۋى ءتيىس بولعان. بىراق سوتتىڭ بۇل شەشىمى ۋاقتىلى ورىندالماعان. مۇنداي جاعدايدا مەديتسينا ماماندارىن دايارلايتىن وقۋ ورداسى ليتسەنزياسىنان ايىرىلۋى دا مۇمكىن ەكەن.
_____________________________________________________________________________________________________________________
tengrinews.kz
