الەمنىڭ كوپتەگەن ەلدەرىندە كريپتوۆاليۋتالار كادىمگى اقشاعا ءساتتى بالاما بولا الدى. بۇگىندە بلوكچەين تەحنولوگياسىنىڭ كومەگىمەن قۇرىلعان بيتكويندەردى نەمەسە كەز كەلگەن باسقا كريپتوۆاليۋتالاردى ۇيدەن شىقپاي-اق ساتىپ الاتىن مۇمكىندىك تۋدى. ال ساندىق ۆاليۋتالاردىڭ الۋان تۇرلىلىگىن Financer.com پلاتفورماسى تەگىن تۇسىندىرۋگە كومەكتەسەدى.
كريپتوۆاليۋتا – بۇل ساندىق نەمەسە ۆيرتۋالدى تۇردەگى ۆاليۋتا ءتۇرى. كريپتوۆاليۋتاداعى ترانزاكتسيالاردى قورعاۋ ءۇشىن كريپتوگرافيا (شيفرلاۋ) قولدانىلادى. بانكتەردىڭ ترانزاكتسيالاردى تەكسەرۋگە قاتىسى جوق. كريپتوۆاليۋتا تولەمدەرى تەك ناقتى ترانزاكتسيالاردى سيپاتتايتىن ونلاين-دەرەكقوردا ساندىق تۇردە قولجەتىمدى. بۇلاردىڭ نارىقتاعى اقشامەن قاتىسى جوق; ولاردىڭ شىنايى ومىردە اينالىمى مەن الماسۋ مۇمكىندىگى جوق.
كريپتوۆاليۋتانىڭ نەگىزگى ارتىقشىلىقتارى مىنالار: انونيمدىلىگى، ءبىر ورتالىققا بايلانباۋى جانە قاۋىپسىزدىگى. بىراق كريپتوۆاليۋتا بيرجاسى سەكىلدى ساندىق ۆاليۋتالارمەن ساۋدا وپەراتسيالارىن جاسايتىن ونلاين-پلاتفورمادا بيتكوين سياقتى ساندىق ۆاليۋتالاردى ساتىپ الۋ نەمەسە ساتۋعا مۇمكىندىك بار. ساندىق ۆاليۋتادا اقشا تاپقىسى كەلەتىندەرگە بيرجا مۇمكىندىكتەر اشادى.
«كريپتوۆاليۋتالار مەن ولاردىڭ قۇنىن مەملەكەت رەتتەمەيتىنىنە نازار اۋدارىڭىز. سوندىقتان ءسىز تابىسقا دا، شىعىنعا دا دايىن بولۋىڭىز كەرەك. Financer.com سەرۆيسىندە ءبىز كريپتوۆاليۋتالاردى ساۋدالايتىن الاڭداردى سالىستىرامىز، سونداي-اق دۇرىس بروكەردى تاڭداۋعا مۇمكىندىك بەرەمىز»، – دەيدى Financer.com جۇيەسىنىڭ نەسيە جانە جەكە قارجى سالاسىنداعى ساراپشىسى ەۆگەنيا نيكولاەۆسكايا.
ايتا كەتۋ كەرەك، Financer.com قانداي دا ءبىر كومپانيانىڭ نەمەسە پلاتفورمانىڭ مۇددەسىنە جۇمىس ىستەمەيدى. بۇل جەر – ءتيىمدى كوميسسيالار، جارنالار، ينۆەستيتسيالاۋ مۇمكىندىكتەرى جانە تاعى باسقا ۇسىنىستار تۋرالى بارلىق قاجەتتى اقپاراتتىڭ تاۋەلسىز كوزى.
قازاقستاندا كريپتوۆاليۋتانى قالاي ساتىپ الۋعا بولادى؟
1. «استانا» حالىقارالىق قارجى ورتالىعىندا (احقو) تىركەلگەن بانكتە زاڭدى تۇلعاعا شوت اشۋ.
2. كريپتوۆاليۋتا ساتىپ الۋعا قول جەتكىزۋ.
3. شوت ارقىلى كريپتوۆاليۋتانى ساتۋ جانە ساتىپ الۋ.
كريپتوۆاليۋتا تاڭداۋ بارىسىندا قاجەت كەڭەستەر:
1. ونىڭ قازاقستان اۋماعىندا جۇمىس ىستەيتىنىنە كوز جەتكىزىڭىز.
2. ينتەرفەيسىنە نازار اۋدارىڭىز. ول تۇسىنىكتى جانە ىڭعايلى بولۋى كەرەك. پايدالانۋشى ساۋدا الاڭىنىڭ قۇرالدارىن تۇسىنبەسە، قاتە جىبەرۋى مۇمكىن.
3. پىكىرلەردى وقىپ، پايدالانۋشىلار سانىن بايقاڭىز.
4. تىركەۋ شارتتارىمەن تانىسىڭىز.
5. قاراجاتتى ەنگىزۋ جانە شىعارۋ تاسىلدەرىن مەڭگەرىڭىز.
كريپتوۆاليۋتا تۇرلەرى:
• بيتكوين – ەڭ ءبىرىنشى قۇرىلعان كريپتوۆاليۋتا، سوندىقتان ونىڭ ورنى بولەك;
• التكوين – بيتكوين ەمەس، بىراق ءوز بلوكچەينى جانە ءوندىرۋ مۇمكىندىگى بار بالامالى كويندەر;
• ستەيبلكوين – بۇل كريپتوۆاليۋتا قۇنى تاۋاردىڭ باعاسى نەمەسە دوللار باعامى سياقتى نارسەگە نەگىزدەلگەن;
• توكەندەر – كومپانياعا ينۆەستيتسيالار تارتۋعا قىزمەت ەتەدى، ولاردىڭ بلوكچەينى جوق;
• Defi – كريپتوۆاليۋتا جانە ولاردىڭ فۋنكتسيالارىن بىرىكتىرەتىن بىرقاتار قىزمەتتەردى ۇسىناتىن پلاتفورمالار;
• NFT – سۋرەتتەر نەمەسە انتيكۆاريات سياقتى بىرەگەي زاتتاردى يەلەنۋ تۋرالى اقپاراتتى بلوكچەينگە بەرۋ ءۇشىن قولدانىلادى.
"ادىرنا" ۇلتتىق پورتالى
