پرەزيدەنت باعىتىن بۇكىلحالىقتىق قولداۋ قاجەت - اقىلبەك كۇرىشباەۆ

2159
Adyrna.kz Telegram

پرەزيدەنت باعىتىن بۇكىلحالىقتىق قولداۋ قاجەت. مەملەكەت باسشىسىنىڭ جولداۋىنا وراي سەنات دەپۋتاتى اقىلبەك كۇرىشباەۆ وسىنداي پىكىر ءبىلدىردى، دەپ حابارلايدى “ادىرنا” ۇلتتىق پورتالى قازاقپاراتقا سىلتەمە جاساپ. 

«قر پرەزيدەنتى قاسىم-جومارت توقاەۆ بۇگىنگى جولداۋىندا ەلىمىزدىڭ ودان ءارى ساياسي، ەكونوميكالىق جانە الەۋمەتتىك جاڭعىرۋىنىڭ باستى باعدارىن ايقىنداپ، جاڭا ءادىل قوعام – جاڭا قازاقستاننىڭ بازالىق ينستيتۋتتارىن قالاي قۇرۋ كەرەكتىگى تۋرالى ايتىپ بەردى. ءبىزدىڭ ءبارىمىز دە مەملەكەتتىڭ ەكونوميكالىق وركەندەۋىنەن كەيىن «الدىمەن ەكونوميكا، سودان كەيىن ساياسات» دەگەن قاعيدات قوعامدى دەموكراتيالاندىرۋعا، ەلىمىزدىڭ بۇكىل حالقىن يگىلىككە قول جەتكىزۋىنە الىپ كەلەدى دەپ ۇمىتتەنگەن ەدىك. بىراق، ءبىزدىڭ قوعام ەكى الەمگە: باي جانە كەدەي ادامدارعا ءبولىنىپ كەتتى. ال بۇل الەۋمەتتىك ادىلەتسىزدىك پەن تەڭسىزدىكتى تۋدىرىپ قانا قويماي، ەكونوميكانىڭ تۇراقتى دامۋىنا كەدەرگى بولادى»، - دەدى ول.

ونىڭ ايتۋىنشا، پرەزيدەنتكە «جاڭا قازاقستان» قۇرىلىسىن ونىڭ ساياسي ءبازيسىن قايتا قۇرۋدان باستاۋعا تۋرا كەلەدى.

«ەڭ الدىمەن، ءبىز سۋپەرپرەزيدەنتتىك باسقارۋ فورماسىنان كۇشتى پارلامەنتى بار پرەزيدەنتتىك رەسپۋبليكاعا كوشەتىنىمىزدى اتاپ وتكەن ءجون. بۇل بيلىك ينستيتۋتى مەن ەلدىڭ تۇراقتى دامۋىنىڭ وڭتايلى تەڭگەرىمىن قامتاماسىز ەتەدى. مۇنداي ساياسي جۇيە كەزىندە قازاقستاندا جەكە تۇلعاعا تابىنۋ، بيلىككە دەگەن فاۆوريتيزم مەن مونوپوليا بولمايدى دەپ ويلايمىز. ەندى ءماجىلىس دەپۋتاتتارى سايلاۋشىلارمەن تىكەلەي سايلانۋ ارقىلى ءىشىنارا ماجوريتارلىق نەگىزدە سايلاناتىن بولادى. دەپۋتاتتاردى پارتيالىق تىزىمدەر بويىنشا ۇسىنۋعا قاتىستى بۇل جەردە دە پروگرەسسيۆتى دەموكراتيالىق وزگەرىستەر بولادى. ساياسي پارتيالاردى تىركەۋ ايتارلىقتاي جەڭىلدەتىلەدى. ولاردى قالىپتاستىرۋدىڭ كارتەلدىك قاعيداتى ۇمىتىلمايدى، ياعني پارتيانىڭ سايلاۋداعى جەڭىسىن تەك باسەكەلەستىك ايقىندايدى»، - دەدى اقىلبەك كۇرىشباەۆ.

سونداي-اق، ول پرەزيدەنت پارتيا مۇشەسى بولۋدان باس تارتۋ تۋرالى دا ورىندى شەشىم قابىلداعاندىعىنا نازار اۋدارتادى.

«بۇل پارتيالىق جۇيەنى قالىپتاستىرۋ كەزىندە اشىق باسەكەلەستىك كۇرەسكە كەپىلدىك بەرەدى. اكىمدەر مەن ولاردىڭ ورىنباسارلارىنا پارتيا فيليالدارىندا قىزمەت اتقارۋعا تىيىم سالۋدى زاڭنامالىق تۇرعىدان بەكىتۋدى اسا ماڭىزدى دەپ سانايمىن. سەناتتىڭ جۇمىسىن ىشتەي بىلەتىن سەناتور رەتىندە مەملەكەت باسشىسىنىڭ قوس پالاتالى پارلامەنتتى نەگە قولداعانى ماعان تۇسىنىكتى. ول پارلامەنت دەپۋتاتتارىنىڭ سانى تۋرالى ەمەس، ولاردىڭ جۇمىس ساپاسىنا قاتىستى بولىپ وتىر. ءبىزدىڭ اتقارۋشى بيلىك جۇمىسىنداعى باستى پروبلەما ەل بيۋدجەتىندەگى قاراجاتتىڭ جەتىسپەۋشىلىگى ەمەس، ولاردى ءتيىمدى پايدالانۋعا بايلانىستى دەپ سانايمىن. قاراپايىم تىلمەن ايتقاندا، ەگەر ءار دەپۋتات ۇكىمەتكە ونىڭ جۇمىسىنىڭ ءالسىز جاقتارىن كورسەتىپ، ەكونوميكانى ءتيىمدى باسقارۋعا ءماجبۇر ەتسە، وندا ءبىزدىڭ ءومىرىمىز الدەقايدا جاقسى بولار ەدى. مەنىڭ ويىمشا، پرەزيدەنت ءبىزدىڭ قوعامىمىز ءۇشىن ءدال وسىنداي ىقپالدى پارلامەنتتى قالىپتاستىرۋ ءۇشىن قاجەتتى نەگىز قالايدى»، - دەدى سەناتور.

ونىڭ اتاپ وتۋىنشە، قازىرگى ۋاقىتتا ازاماتتارىمىزدىڭ مەملەكەتتىك بيلىككە دەگەن سەنىمىن ارتتىرۋ اسا ماڭىزدى.

«سوندىقتان باستالعان وزگەرىستەردى توقىراتپاي، پرەزيدەنتتىڭ باعىتىن بۇكىلحالىقتىق قولداۋ قاجەت. سونداي-اق جايلى جەرگە وتىرىپ الىپ ءبارىن تۇگەلدەي سىنعا الا بەرمەي، ارقايسىمىزدىڭ ناقتى ىستە بەلسەندى بولۋىمىز اۋاداي قاجەت، - دەدى اقىلبەك كۇرىشباەۆ.

ادىرنا” ۇلتتىق پورتالى

پىكىرلەر