Qyzmetin toqtatqan taý-ken kompanııalarynyń arasynda Bolat Nazarbaev, Aleksandr Klebanov, Erlan Nyǵmatýlınge qatysy bar kompanııalar bar, dep habarlaıdy "Adyrna" ulttyq portaly.
⠀
Bul týraly Qarjy monıtorıngi agenttiginiń búgin jarııalanǵan esebinde aıtylady.
⠀
Júrgizilgen aldyn alý sharalarynyń nátıjesinde 55 ken óndirýshi sharýashylyq óz erkimen jumysyn toqtatty.
Olar jumysty tolyǵymen toqtatyp, tehnıkany bólshektep, ornalastyrý oryndarynan alyp tastady.
⠀
Múddeli memlekettik organdarmen birlese otyryp, atalǵan tehnıkanyń qaıtalama aınalymǵa tartylýynyń aldyn alý jumystary júrgizilýde.
⠀
Jumysyn toqtatqan taý-ken kompanııalarynyń arasynda Pavlodar oblysyndaǵy belgili kásipkerler Bolat Nazarbaev pen Aleksandr Klebanovqa qarasty fırmalar bar.
Sondaı-aq, «QazaqGaz» Ulttyq kompanııasy» AQ basqarmasynyń Aqtóbe oblysyndaǵy eks-tóraǵasy Qaırat Sháripbaev pen Qaraǵandy oblysyndaǵy belgili kásipkerlerdiń biri Erlan Nyǵmatýlın.
Osymen qatar 51 ken óndirýshi sharýashylyqtyń zańsyz áreketi toqtatyldy. Olar óz qyzmetin bastaǵany týraly ýákiletti organǵa habarlamaǵan nemese tehnıkalyq sharttary joq energııa kózderine zańsyz qosylǵan, arnaıy ekonomıkalyq aımaqtardyń aýmaǵynda negizsiz ornalastyrylǵan, sondaı-aq salyqtar men kedendik tólemderdi tóleýden jaltarǵan, dep habarlaıdy AFM.
"Adyrna" ulttyq portaly
