"مەن ءوزىم بارۋعا دايىنمىن": سايروۆ باس پروكۋرورعا ۇندەۋ جولدادى

"وسكەمەن قالاسىندا وسكەمەن مەن سەمەي قالالارىندا «جاپپاي تارتىپسىزدىككە» قاتىستى دەگەن كۇدىپەن بۇگىندە 103 ادام تۇزەتۋ ورىندارىندا جاتىر. كوپشىلىگى جاس، بالعىن ازاماتتار.

مەن ءوزىم، سول ازاماتتاردىڭ اتا-انا، تۋعان-تۋىستارىمەن كەزىگىپ، وبلىستىق پروكۋراتۋرا وكىلدەرىمەن كەزدەستىردىم. كوپشىلىگى «ۇساق بۇزاقىلىق» فاكتىلەرىمەن ۇستالعان. دەگەنمەن، بارلىعىنا «جاپپاي تارتىپسىزدىككە قاتىسۋ» ۇيىمداستىرۋ دەگەن ايىپ تاعىلىپ وتىر. كوپشىلىگىنە دالەل تولىق جيىلماعان. «دالەل ىزدەپ جاتىرمىز» دەگەن جاۋاپ الامىز! دەگەمەن، 103 ادام ەكى اي بولدى بولدى قاماۋدا ۇستالۋدا.

مەن ءتىزىم بويىنشا ستۋدەنت، جاس بالالاردى مەنىڭ «پورۋچيتەلستۆوما» جىبەرىڭدەر دەپ تە سۇرادىم. وبلىستىق پروكۋراتۋرا ەشقانداي ماردىمدى جاۋاپ بەرمەيدى. ەگەر ورەسكەل زاڭ بۇزعاندار، قۇقىق قورعاۋشىلارعا قول كوتەرگەندەر بولسا، جازاسىن السىن، بىراق «اسىرا سىلتەۋ» بولماسىن. شقو پروكۋراتۋراسىنا باس پروكۋراتۋرا وكىلدەرىمەن بىرىگىپ كوميسسيا قۇرىپ، ءار-ءبىر ءىستى ءجىتى تەكسەرىپ، زاڭدىلىق، گۋمانيزم تۇرعىسىنان شەشىم قابىلداۋ قاجەت. مەن ءوزىم بارۋعا دايىنمىن. ەرتەڭ اتا-انا، تۋعان-تۋىستاردىڭ كوز جاسىن ەشكىم ۇتپايدى" دەپ اياقتادى ءسوزىن ەرلان مىرزا.