Erlan Saırov Bas prokýror Asylovqa úndeý joldady, dep jazady "Adyrna" ulttyq portaly.
"Óskemen qalasynda Óskemen men Semeı qalalarynda «jappaı tártipsizdikke» qatysty degen kúdipen búginde 103 adam túzetý oryndarynda jatyr. Kópshiligi jas, balǵyn azamattar.Men ózim, sol azamattardyń ata-ana, týǵan-týystarymen kezigip, oblystyq prokýratýra ókilderimen kezdestirdim. Kópshiligi «usaq buzaqylyq» faktilerimen ustalǵan. Degenmen, barlyǵyna «jappaı tártipsizdikke qatysý» uıymdastyrý degen aıyp taǵylyp otyr. Kópshiligine dálel tolyq jıylmaǵan. «Dálel izdep jatyrmyz» degen jaýap alamyz! Degemen, 103 adam eki aı boldy boldy qamaýda ustalýda.Men tizim boıynsha stýdent, jas balalardy meniń «porýchıtelstvoma» jiberińder dep te suradym. Oblystyq prokýratýra eshqandaı mardymdy jaýap bermeıdi. Eger óreskel zań buzǵandar, quqyq qorǵaýshylarǵa qol kótergender bolsa, jazasyn alsyn, biraq «asyra silteý» bolmasyn. ShQO prokýratýrasyna Bas prokýratýra ókilderimen birigip komıssııa quryp, ár-bir isti jiti tekserip, zańdylyq, gýmanızm turǵysynan sheshim qabyldaý qajet. Men ózim barýǵa daıynmyn. Erteń ata-ana, týǵan-týystardyń kóz jasyn eshkim utpaıdy" dep aıaqtady sózin Erlan myrza.
"Adyrna" ulttyq portaly
