«ۇلى دالا التىنى» ەكسپوزيتسياسى 2021 جىلى الەمدەگى ەڭ ۇزدىك بەس كورمەنىڭ قاتارىنا ەندى. بۇل بۇكىل الەمدىك تاريحي قوعامداستىق ءۇشىن ايتۋلى وقيعا بولدى. ايتا كەتكەن ءجون، بۇل كورمە ۇلىبريتانيا حالقىنا وشپەس اسەر قالدىردى.
«اپوللون» حالىقارالىق بەدەلدى ونەر جۋرنالى 2021 جىلعى الەمدەگى ەڭ ۇزدىك بەس كورمەنى انىقتادى. ونىڭ ىشىندە «ۇلى دالا التىنى» دا بار. بۇل كەزدەيسوق جەڭىسىمىز ەمەس، ناقتى فاكت. كورمەدە ۇسىنىلعانداردىڭ ىشىندە شىعىس قازاقستاننان الىنعان جادىگەرلەر كوشپەلىلەر وركەنيەتىنىڭ ەجەلگى قازىناسى بولىپ تابىلادى.
كورمەنىڭ ۇلىبريتانيانى ناعىز ءدۇر سىلكىندىرگەنىندە ۇلكەن جاتىر.
ويتكەنى، ءبىزدىڭ ءبىلىمدى ارحەولوگتار ماتەريالداردى مۇقيات جيناپ، دايىنداعان 15 مىڭ ارتەفاكتى ەجەلگى ساقتاردىڭ – قازىرگى شىعىسقازاقستاندىقتاردىڭ اتا-بابالارىنىڭ تاريحىندا مۇلدە جاڭا بەتتەردى اشتى.
قازىنالار جاسى ءۇش مىڭ جىلعا جۋىق. بىراق، قىزىق تەك بۇل عانا ەمەس.
وسىلايشا، The Guardian گازەتى ەكسپوزيتسياعا 5/5 دەگەن باعا بەرىپ، ونى «تاماشا» دەپ باعالادى. Telegraph گازەتى (اي سايىنعى ورتاشا ەسەپپەن ايىنا 12,2 ميلليون ادام) ونى 4/5 دەپ باعالاپ، «كەرەمەت» دەپ تاڭقالىسىن ءبىلدىردى.
«بۇل بىرنەشە اي بۇرىن عانا تابىلعان نىسانداردىڭ ارقاسىندا الەم تاريحىن قايتا جازۋدىڭ ەرەكشە مۇمكىندىگى. كەمبريدجدە ءبىز ءۇشىن ەڭ ماڭىزدىسى جادىگەرلەردىڭ ءوزىن عانا ەمەس، سونىمەن بىرگە قازاقستاندا قولدانىلعان بۇكىل ارحەولوگيالىق ۇدەرىس پەن ساراپتامانى كورسەتۋ»، - دەدى فيتسۆيليام مۇراجايىنىڭ ديرەكتورى ليۋك سايسون كورمەنىڭ اشىلۋىندا.
ايتا كەتۋ كەرەك، بۇل ەۋروپادا ءبىرىنشى رەت ۇيىمداستىرىلىپ وتىرعان شارا – «ۇلى دالا التىنى» جۇرتشىلىق اراسىندا شىنايى قىزىعۋشىلىقتى تۋدىردى، ويتكەنى كورمەگە 25 مىڭنان استام ادام كەلىپ، تاماشالادى. بەدەلدى ەۋروپالىق باسىلىمدار كورمەنىڭ تاڭعالارلىق اسەر قالدىرعانىن اتاپ ءوتتى.
شىعىس قازاقستان وبلىسىنىڭ اكىمى دانيال احمەتوۆ كورمەنىڭ اشىلۋىنا ارنايى ءوزى قاتىستى. ايتۋىنشا، ەكسپوزيتسيادا بابالار قولىنان شىققان شىنايى جاۋھارلار ۇسىنىلعانىن جانە بۇل تۋىندىلار ەجەلگى ساقتاردىڭ كوشپەلى شارۋاشىلىق سالاسىندا قايتالانباس مادەنيەتى مەن تەرەڭ ءبىلىمى بولعانىن دالەلدەگەن.
وبلىستىق مۋزەي قورى 26 مىڭ بىرەگەي جادىگەرمەن تولىقتى، ولاردىڭ ءبىر بولىگى «ۇلى دالا التىنى» ەكسپوزيتسياسىندا قويىلعان.
ايتا كەتۋ كەرەك، 2022 جىلى شىعىس قازاقستاندا ارحەولوگيالىق جۇمىستاردى جالعاستىرۋ جوسپارلانۋدا.
“ادىرنا” ۇلتتىق پورتالى
