قازاقستان ازاماتى ولەگ كۋزميننىڭ تۋىستارى الەۋمەتتىك جەلى ارقىلى قر پرەزيدەنتى مەن سىرتقى ىستەر مينيسترلىگىنە ونى تابۋعا كومەكتەسۋىن ءوتىنىپ ارىزدانعان بولاتىن. ولەگتى 26 اقپاننان بەرى ىزدەۋ جۇمىستارى جۇرگىزىلۋدە.
20 جاستاعى ولەگ كۋزميننىڭ جوعالىپ كەتكەنى تۋرالى اقپارات العاش رەت Vinaigrette ينتەرنەت-رەسۋرسىندا پايدا بولدى.
قازاقستاندىق ستۋدەنت پراگادا تۇرىپ، ءبىلىم العان، بىراق 26 اقپاندا ونىمەن بايلانىسۋ مۇمكىن بولمادى. بۇل كۇنى ول اكەسىنە تەلەفون سوعىپ، كومەك سۇراعانىمەن، بايلانىس كەنەت ءۇزىلىپ قالىپ، ەشتەڭە ايتىپ ۇلگەرمەدى. سودان بەرى جاس جىگىت حابار-وشارسىز كەتتى، – دەپ جازادى باسىلىم.
بالانىڭ اتا-اناسى مەن اعاسى ەكى اپتا بويى ءساتسىز ىزدەنىستەردەن كەيىن قر پرەزيدەنتى مەن سىرتقى ىستەر مينيسترلىگىنە جۇگىنگەن.
پراگاداعى تەرگەۋشى WhatsApp-قا جاۋاپ بەرمەيدى، تەلەفوندى كوتەرمەيدى، پراگا پوليتسياسىنىڭ ىزدەۋلەرى ناتيجە بەرمەدى. كوشەدەگى باقىلاۋ كامەرالارى كوپ ورناتىلعان قالا ورتالىعىندا جىگىت جوعالىپ كەتكەن. پوليتسيا كامەرالاردى تەكسەرگەنىمەن دە جىگىتتىڭ تابىلار ءتۇرى جوق، — دەپ جازدى Facebook جەلىسىندە جوعالعان ادامنىڭ اعاسى.
"چەحيادا قانداي دا ءبىر اقپارات نەمەسە تانىستار بولسا، كومەكتەسە الاتىندار بولسا. +7 (771) 212-25-58 نومىرىنە حابارلاسۋىڭىزدى سۇرايمىز", - دەپ جازادى قازاقستاندىقتىڭ تۋىسى.
"ادىرنا" ۇلتتىق پورتالى
