Qazaqstan azamaty Oleg Kuzminnıŋ tuystary äleumettık jelı arqyly QR Prezidentı men Syrtqy ıster ministrlıgıne ony tabuǧa kömektesuın ötınıp aryzdanǧan bolatyn. Olegtı 26 aqpannan berı ızdeu jūmystary jürgızılude.
20 jastaǧy Oleg Kuzminnıŋ joǧalyp ketkenı turaly aqparat alǧaş ret Vinaigrette internet-resursynda paida boldy.
Qazaqstandyq student Pragada tūryp, bılım alǧan, bıraq 26 aqpanda onymen bailanysu mümkın bolmady. Būl künı ol äkesıne telefon soǧyp, kömek sūraǧanymen, bailanys kenet üzılıp qalyp, eşteŋe aityp ülgermedı. Sodan berı jas jıgıt habar-oşarsyz kettı, – dep jazady basylym.Balanyŋ ata-anasy men aǧasy ekı apta boiy sätsız ızdenısterden keiın QR Prezidentı men Syrtqy ıster ministrlıgıne jügıngen.
Pragadaǧy tergeuşı WhatsApp-qa jauap bermeidı, telefondy kötermeidı, Praga polisiiasynyŋ ızdeulerı nätije bermedı. Köşedegı baqylau kameralary köp ornatylǧan qala ortalyǧynda jıgıt joǧalyp ketken. Polisiia kameralardy teksergenımen de jıgıttıŋ tabylar türı joq, — dep jazdy Facebook jelısınde joǧalǧan adamnyŋ aǧasy. "Chehiiada qandai da bır aqparat nemese tanystar bolsa, kömektese alatyndar bolsa. +7 (771) 212-25-58 nömırıne habarlasuyŋyzdy sūraimyz", - dep jazady qazaqstandyqtyŋ tuysy.
"Adyrna" ūlttyq portaly
Ūqsas jaŋalyqtar
