ۇكىمەتتەن اينالايىن، كاسىپكەرلەردى قولداپ وتىر عوي! ويلانا كەلىپ، ءوزىمىزدىڭ اۆتوموبيل ءوندىرىسىن اشقىم كەلدى! شەتەلدىڭ كوشىرمەسى ەمەس، ءوزىمىزدىڭ! نە بولسا دا، وزىمىزدىكى بولعانعا نە جەتسىن! ءبىر تانىسىم شەگە تسەحىن اشىپ، بانكروت بولدى. ول شەگەنىڭ ەكى جاعىن دا، بالعامەن ۇراتىن جالپاق باس ەتىپ شىعارا بەرگەن عوي. ال، مەنىڭ بولاشاقتاعى ءاۆتوموبيلىم سۋپەر! جوباسىن جاساپ قويدىم!
وتاندىق ءاۆتوموبيلىمنىڭ اتى «قازاقيا» دەپ اتالادى. كاپوتى ءتورت مەتر. نەگە دەيسىزدەر مە؟ الدىندا ءتورت موتورى بار. جولدا كەلە جاتىپ، ءبىر موتورى ىستەن شىقسا، ەكنىشىسى اۆتوماتتى تۇردە ىسكە قوسىلادى. ول بۇزىلسا، ءۇشىنشىسى دەگەندەي... ەكى ءرۋلى بار، شارشاساڭىز، جانىڭىزدا ەسىنەپ وتىرعان ەنەڭىز ايداپ كەتە بەرەدى. كەرەمەت ەمەس پە؟ ارتىندا دا ءرۋلى بار. قايىرىلىپ جۇرمەيسىز، ارتىندا وتىرعان ايەلىڭ ايداپ كەتە بەرەدى. راحات! باشكاتىيمىن عوي! ال، جۇرت شەگە شىعارا المايدى! سوسىن، اۆتومات، تەجەگىش دەگەن جوق! شالقايىپ وتىرىپ الىپ، ديستانتسيالىق باسقارۋ پۋلتىمەن ايداي بەرەسىز. رۋل وزىنەن ءوزى بۇرىلا بەرەدى، قالاساڭىز، ۇستاپ وتىرىڭىز. ەلىمىزدە مۇناي كوپ، بەنزين تاپشى.
سوندىقتان، ءبىر قاسىق ايرانمەن الپىس كيلوگرامم، وي، كيلومەتر جۇرەسىز. وي، نەسىنە كۇلەسىز؟ وتە ارزان بولادى. بار جوعى ءبىر ميلليون تەڭگەگە ساتىپ الاسىز! سول ءۇشىن، بەتىمنەن ءسۇيىپ قويىڭىزدارشى!
مۇحتار شەرىم
