مارقۇم ساياساتكەر زامانبەك نۇرقادىلوۆتىڭ ۇلى قايرات نۇرقادىلوۆ اكەسىنىڭ ولىمىنە قاتىستى قىلمىستىق ءىستى تەرگەۋدى قايتا باستاۋدى تالاپ ەتىپ، قر باس پروكۋرورىنا ارىز جازدى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ.
بىراق جاڭا باس پروكۋرور بەرىك اسىلوۆ جۋرناليستەرگە اتالعان شاعىمنان حابارسىز ەكەنىن ايتتى. ساياساتكەردىڭ ۇلى اكەسىن 2005 جىلى 12 قاراشادا اتىپ كەتكەنىن العا تارتتى.
«اكەمدى ءولتىرۋ ايعاقتارىنا قاراماستان، بىردەن ءوز-وزىنە قول جۇمساۋ فاكتىسى بويىنشا قىلمىستىق ءىس قوزعالدى.
بۇل داۋسىز دالەلدەرگە قاراماستان، جۇرەككە ەكى رەت جانە باسىنا ءبىر رەت وق اتىلعان، بۇل ءسۋيتسيدتىڭ تەحنيكالىق بەلگىلەرىن تولىعىمەن جوققا شىعارادى» دەدى قايرات نۇرقادىلوۆ مالىمدەمەسىندە.
مارقۇمنىڭ ۇلى سۋيتسيد نۇسقاسىنا سەنبەيدى جانە تەرگەۋدى قايتا باستاۋدى تالاپ ەتتى.
سەنات وتىرىسىندا جۋرناليستەر جاڭا باس پروكۋرور بەرىك اسىلوۆقا كىشى نۇرقادىلوۆتىڭ مالىمدەمەسى تۋرالى سۇراق قويدى.
«اپەللياتسيا ءتۇستى مە، جوق پا؟» دەپ سۇرادى ازاتتىق ءتىلشىسى. اسىلوۆ وعان «ول تۋرالى بىلمەيمىن» دەدى اسىعىس.
”ادىرنا” ۇلتتىق پورتالى
